Сэлэнгэ аймгийн Мандал сумын “Хятадын тээрэм” гэх газраас маш хурц, таагүй үнэр гарч байна гэсэн иргэдийн гомдлын дагуу Байгаль орчны хяналтын улсын ахлах байцаагч болон Экологийн цагдаагийн алба хамтран шалгалт хийжээ.

Шалгалтаар тус суманд үйл ажиллагаа явуулдаг “Монгол шинтан” ХХК-ийн үйлдвэрийн байр, агуулахад нэр хаяг нь тодорхойгүй шуудайтай хуурай нунтаг бодис, канистртай хурц үнэртэй шингэн бодисууд байжээ.

Мөн үйлдвэрлэлд ашигласан байж болзошгүй ус, түүхий эд (шлам), орчны хөрснөөс нийт 11 дээж авч, холбогдох мэргэжлийн байгууллага, лабораторид шинжилгээ хийлгүүлэхээр хүргүүлсэн аж.

Тус объектод үйл ажиллагааны ямар ч бичиг баримт байгаагүй тул үйлдвэрийн үйл ажиллагааг битүүмжлэн зогсоож, зөрчлийн хэрэг бүртгэх ажиллагаа эхлүүлсэн байна.