Ц.Санжаачойпэл, Э.Тэмүүлэн, Л.Алтан-Очир нарт зодуулсан залуугийн аав Д.Дашзэвэг өчигдөр цахим хуудаснаа дараах зүйлийг бичжээ.

Тэрбээр, Би өдийг хүртэл энэ хэрэг хэн нэгнийг хэлмэгдүүлэхгүй  үнэн зөвөөр шийдэгдэх байх гэж харж чимээгүй байсан.

Миний хүүг яллагдагчийн нүдийг хөхрүүүлсэн гэж яллагдагчаар татжээ. Үнэн нь олдох байх гээд чимээгүй л байлаа. Эцсийн шийдийг шүүх гаргана гээд бас итгэлтэй байгаа.

Гэтэл эмчлүүлж  байгаа эмнэлэгтээ 9-р сарын 15, 16, 17, 26-нд цаг авч, эмчилгээ, хяналтад явах гэж байтал хилийн хориг тавих саналаа шүүхэд өгсөн гэнэ. Энэ арай хэтэрч байна шүү!!!

Миний хүү эх орноосоо оргон зайлах, буруу зүйл хийсэн бол бусад шиг зугтах хулчгар эр биш. Би  хардах эрхийнхээ дагуу хардаж байна. Би үр хүүхдийнхээ төлөө, бас бусдын ч үр хүүхдийг   хамгаалахын төлөө үргэлж дуугарна, бүр орилно”  гэж бичжээ.

Хүнийг бүлэглэж хэрцгийгээр зодож, хүнд гэмтэл учруулсан Ц.Санжаачойпэл, Э.Тэмүүлэн, Л.Алтан-Очир нар цагдан хоригдож буй юм.