-Өнгөрч буй  долоо хоногт өрнөсөн онцлох үйл явдлуудаас тоймлон хүргэж байна-

ХАРИУЦЛАГЫН ГЭРЭЭ ЗӨРЧСӨН ШАДАР САЙД С.АМАРСАЙХАНЫГ АЛБАН ТУШААЛААС НЬ ОГЦРУУЛЛАА

Ерөнхий сайд Г.Занданшатар Шадар сайд С.Амарсайханыг Хариуцлагын гэрээ зөрчсөн тул албан тушаалаас нь огцрууллаа. Энэ тухайгаа Засгийн газрын хуралдааны эхэнд мэдэгдэв. Тэрээр:

"Зорилго буруу улсууд албан тушаалын төлөө, өс хонзонгийн сэдэлтэй, үндсэн хуулийн бус аргаар төрийн эрхийг авах гэсэн хууль бус үйл ажиллагаа даамжирсан. Харамсалтай нь энэ үйл ажиллагаанд манай зарим нэг сайд нар оролцож гарын үсэг зурж уриалж, гишүүдийг дарамталж ажилласан. Тийм учраас Шадар сайд С.Амарсайханыг ажлаас чөлөөлж байгаагаа мэдэгдэж байна" гэв.

Ерөнхий сайд Г.Занданшатар баялгийн хулгайтай тэмцэх тусгай ажлын хэсэг байгууллаа

ЕРӨНХИЙ САЙДЫГ ОГЦРУУЛАХ УИХ-ЫН ТОГТООЛД ТАВЬСАН ХОРИГОО ЕРӨНХИЙЛӨГЧ ТАТАН АВЛАА

Ерөнхийлөгч У.Хүрэлсүх энэ сарын 20-ны өдөр Ерөнхий сайд Г.Занданшатарыг огцруулах тухай Монгол Улсын Их Хурлын 95 дугаар тогтоолд бүхэлд нь хориг тавьсан. Харин Үндсэн хуулийн цэц аравдугаар сарын 22-ны өдрийн Их суудлын хуралдаанаар уг тогтоол нь Үндсэн хууль зөрчсөн гэж үзсэн. 

Иймд тус тогтоолд хориг тавих тухай Е/11 дугаар хоригийг татан авч байна гэж Ерөнхийлөгчийн хэвлэлийн албаны дарга мэдээлсэн.

ЭМЧ НАР СУУЛТАА ЗОГСООЖ, АЖИЛ ХАЯХААР БЭЛТГЭЖ ЭХЭЛСНЭЭ МЭДЭГДЭВ

Эмч нар цалингаа 3.5 сая төгрөгт хүргэхийг УИХ, Засгийн газар, Эрүүл мэндийн сайдаас шаардан аравдугаар сарын 9-нөөс хойш жагсаал, цуглаан зохион байгуулав.

Гэвч авч хэлэлцэхгүй, тодорхой арга хэмжээ авахгүй байгаа тул суултаа зогсоож, ажил хаялт зарлахаар бэлтгэж эхэлснээ Монголын эрүүл мэндийн ажилтны үйлдвэрчний эвлэлээс зарлалаа.

Эмч нар цалингийн, ипотекийн, 2-3 апликейшны зээлтэй байна
Ж.Чинбүрэн: Эрүүл мэндийн даатгалын үндэсний зөвлөлийн хурлыг яаралтай зарлалаа
Т.Аубакир: Цалин нэмэхийн тулд хүүхдийн мөнгө, нийгмийн даатгалын сан руу орохыг зөвшөөрөхгүй

МОНГОЛЫН БАГ ДЭЛХИЙН ДААМЫН АВАРГА БОЛЛОО

"100 буудалт даамын" өсвөр, залуучуудын дэлхийн аварга шалгаруулах 2025 оны тэмцээн энэ сарын 24 -ны өдрөөс арваннэгдүгээр сарын 1-ний өдрүүдэд Турк улсын Анталья хотод зохион байгуулагдаж буй.

Тус тэмцээнд Монгол улсаас 34 тамирчин охид, хөвгүүдийн таван насны ангилалд оролцож байна. Тэмцээний үндсэн төрөл швейцарь системийн 9 өрөг тоглож долоон өдрийн турш үргэлжилж дүнгээ гаргахад, Монголын баг тамирчид хоёр алт, таван мөнгө, хоёр хүрэл медаль авч багийн дүнгээр алтан медаль авсан амжилтыг дөрөв дэх жилдээ үзүүллээ.

БАХРЕЙН 2025: Чөлөөт бөхийн тамирчин Б.Буянтогтох мөнгөн медаль хүртлээ
Монголын хоёр тамирчин өсвөрийн ДАШТ-ээс алтан медалийн болзол хангалаа

ТӨРИЙН ДЭЭД ЦОЛ, ОДОН МЕДАЛЬ ГАРДУУЛАВ

Кино урлаг үүсэж хөгжсөний 90 жилийн ойг тохиолдуулан Ерөнхийлөгч У.Хүрэлсүх төрийн дээд цол, одон, медаль гардууллаа.

Монгол Улсын Ерөнхийлөгч У.Хүрэлсүх төрийн дээд цол, одон, медаль хүртсэн эрхмүүдэд болон гэр бүл, хамт олонд нь баяр хүргэж, сайн сайхан бүхнийг хүсэн ерөөлөө. Дэлгэрэнгүй мэдээллийг ЭНД дарж уншина уу.

САНАЛ БОЛГОХ НИЙТЛЭЛҮҮД: 

СУРАГЧИД: Сургууль хурдан ороосой, хичээл хэцүүдлээ
Т.Ганбаатар: Хөдөө өссөн надад "Кэмбрижийн эрдэмтэн" гэдэг алдар амархан олдоогүй
"Би 2015 онд ХПВ-ийн эсрэг вакцин хийлгэсэн. Биед өөрчлөлт гараагүй, төрөлтөд ч нөлөөлөөгүй"
Жилд ₮17 тэрбумыг өгвөл та юу хийх байсан бэ?
Б.Сарантуяа: Манай сургуулийн сурагчдын 90 хувь нь товлолт дархлаажуулалтад бүрэн хамрагдсан