Эрүүл мэндийн даатгалын хөнгөлөлттэй үнээр авсан тусламж, үйлчилгээний түүхээ харах, үйлчилгээ авсан огноо, эмнэлгийн нэр, үнэ тарифыг хянах боломж бүрдлээ.

Бүх төрлийн хорт хавдар болон яаралтай түргэн тусламжийг эрүүл мэндийн даатгалаас 100 хувь хариуцна. Харин бусад эмчилгээний төлбөрийн багахан хэсгийг хувиасаа хариуцах бөгөөд ямар тусламж авахад үйлчилгээний өртөг хэд болох, хэдийг нь даатгалаас, хэдийг хувиасаа гаргахыг тодорхой заасан байна. Тухайлбал, Ходоод гэдэсний шархлаа өвчний тусламж үйлчилгээний тариф нь 4 сая 98 мянган төгрөгийн төсөвтэй ба үүнээс 400 мянган төгрөгийг хувь хүн гаргахаар eDaatgal апп-т заасан байна. 

Иргэд эрүүл мэндийн даатгалаар авсан тусламж үйлчилгээндээ сэтгэл ханамжийн үнэлгээ өгөх боломжтой. 

Даатгуулагч та eDaatgal aпп-д :

• eDaatgal аппликэйшнд өөрийн эрхээр нэвтэрнэ.
• “Тусламж, үйлчилгээний түүх” цэсийг сонгоно.
• Харах он, сараа оруулж “Хайх” товчийг дарна.

Ингээд та тухайн сарын үйлчилгээний дэлгэрэнгүй мэдээлэл, үнийн тариф, эмнэлгийн байгууллагын нэр зэргийг хялбархан шалгах боломжтой.