Улсын Их Хурлын дарга Н.Учрал “Иргэдийг үнийн өсөлтөөс хамгаалах иж бүрэн арга хэмжээ”-г 16 багц чиглэлд боловсруулжээ.

Өнгөрсөн сарын байдлаар инфляц 8.2 хувьд хүрч, үүнд хүнсний үнийн өсөлт голлон нөлөөлжээ. Инфляцын идэвхжил илүү өргөн хүрээг хамарч байна.

Өнгөрсөн онд 318 бараа бүтээгдэхүүний үнэ өссөн бол энэ оны байдлаар 406 барааны үнэ өссөн. Иймд “Иргэдийг үнийн өсөлтөөс хамгаалах арга хэмжээний тухай” УИХ-ын тогтоолын төслийг хэлэлцүүлж эхлэв.

Өнөөдөр Эдийн засгийн байнгын хороо тогтоолын төслийг хэлэлцэв. УИХ-ын гишүүн Б.Жаргалан "Эрчим хүчний тархмал эх үүсвэрийн тухай тогтоолын төслийг нэг өдрийн дотор баталсан. Энэ тогтоолын төслийг мөн л шууд батлуулахаар хэт яарч байна. УИХ-ын гишүүдийн мэдэх эрийг хангалгүйгээр тогтоолын төслүүд батлах нь буруу. Н.Учрал МАН-ын дарга болсон тул улс төрийн оноо авахаар ажиллах байна" гэв. 

УИХ-ын гишүүн Г.Тэмүүлэн "Та бүхний мэдэх эрхийг бүрэн хангалгүй, тогтоолын төслийг яаруу хэлэлцэж байгаад уучлал хүсье" гэв. 

Иргэдийг үнийн өсөлтөөс хамгаалах ажилд юу юу багтав?

1. Зээлийн хүүг үе шаттай бууруулах,
2. Санхүүгийн үйлчилгээний чанар хүртээмжийг сайжруулах,
3. Гадаадын банкуудын салбарыг дотоодын зах зээлд нэвтрүүлэх
4. Ипотекийн зээлийн тогтолцоог сайжруулах замаар хүртээмжийг нь илүү нэмэгдүүлэх, зорилтот бүлэгт чиглүүлэх. 
5. Санхүүгийн зах зээлд эрх зүйн тодорхой зохицуулалтгүйгээр лизинг, мөнгөн зээлийн үйлчилгээ нэрээр үйл ажиллагаа явуулж буй хэт өндөр хүүтэй, эрүүл бус механизмуудыг цэгцлэх, нэгдсэн зохицуулалтад оруулж, иргэд, аж ахуйн нэгжийн эрх ашгийг хамгаалж ажиллах
6. Гадаад валютын нөөцийг нэмэгдүүлэх, төгрөгийн ханшийн хэлбэлзлийг тогтворжуулах,
7. СЗХ-ны зохицуулалтад хамааралтай зөвшөөрлийн үйл ажиллагааг хялбаршуулах 
8. Газрын тосны бүтээгдэхүүний хэрэгцээг тасралтгүй хангах,
9. Барилгын материалын үйлдвэрлэлийг нэмэгдүүлэх, бүтээн байгуулалтын томоохон төслүүдэд дотоодын аж ахуйн нэгжүүдийг дэмжих
10. Үнийн өсөлтөөс сэргийлэх зорилгоор төсөв, мөнгөний бодлогын уялдааг хангах,
11. Төсвийг хэт тэлэхээс сэргийлэх,
12. Уул уурхайн биржийн тухай хуулийн хэрэгжилтэд саад учруулахгүй байх,
13. Хил, боомт, гаалийн үйл ажиллагааг бүрэн цахимжуулах