Нийслэлд энэ сарын 9-ний өдрөөс хагас коксон шахмал түлшийг борлуулж эхэлсэн. Гэрээт борлуулалтын 395 цэгээр мидлингэн шахмал түлш, хагас коксон шахмал түлшийг борлуулж байна. 

Хагас коксон шахмал түлшийг 25 кг-аар савласан. Нэг шуудайг 5000 төгрөгөөр борлуулж байна. Хэрэглэгчид “Хотула” апп болон “Сайн” карт, иргэний үнэмлэхийн QR кодыг уншуулан түлшээ авах боломжтой. 

Хагас коксон шахмал түлшийг зөв хадгалах нь түлшний чанар, шаталт, аюулгүй байдал зэрэгт чухал нөлөөтэй. Хагас коксон шахмал түлшний GB34170:2017 олон улсын стандарт шаардлагад зааснаар түлшийг хадгалах газар нь:

• Бороо, ус, чийг нэвтрүүлэхгүй, хуурай, тоосноос бүрэн хамгаалагдсан, агуулах, гарааш, зоорь гэх мэт газар байна. 
• Мөн гадна талбайд газрын доод хэсгээс чийг орохоос сэргийлэн шууд газарт тавихгүй, хучилт хийж хамгаалах,
• Тагтай, төмөр саванд гал, зуухнаас хол хадгална.

НЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС