Реппер Др.Дре мягмар гарагт Холливудын алдрын гудамжинд өөрийн нэртэй одоо хүлээн авлаа.

Хип хоп титанууд нэгэн цагт буюу 2022 оны Super Bowl-ын шоуг хамтдаа доргиосон хуучны андууд нь мөн түүний баярын арга хэмжээнд оролцжээ.  Тодруулбал ёслолын ажиллагаанд Эминем, Снуп Дог, 50 Cent нар хүрэлцэн ирсэн юм.

Түүний "The Chronic" (1992) анхны цомог дахь дуунууд нь алдрын оргилд хүрч түүний араас Снуп, Эминем, Кендрик Ламар зэрэг одод карьераа эхлүүлсэн буюу тэрбээр уг алдрыг хүртэх эрхтэй түүчээлэгч юм.

Дре индэр дээр “Комптонд өссөн би хэзээ нэгэн цагт энд бага насныхаа баатруудын дунд өөрийн нэртэй одтой болно гэж төсөөлж ч байгаагүй. Би яг л хийх дуртай зүйлээ хийж амьжиргаагаа залгуулсан азтай нэгэн. Энэ зүүд биш биз дээ” гэжээ.

Дре 1990-ээд оны эхээр West Coast хип хопын G-funk /gangsta funk/ төрлөөр анх гарч ирж байв. Тэрээр цомгууддаа цагдаа нарын харгислал, хүчирхийлэл, нийгмийн хамгааллын дутагдалтай байдлын талаар агуулгыг шингээж, ядууралд нэрвэгдсэн өнгөт арьстнуудын тэмцлийн талаар дуу хоолойгоо хүргэсэн нь амжилт дагуулсан юм.

Эх сурвалж: HuffPost