Зэвсэгт хүчний 150 дугаар анги дээр “Ахлагчийг хөгжүүлэх хөтөлбөр” хэрэгжиж байна. Энэ удаа АНУ-ын Тэнгисийн явган цэргийн ахлагч Дилак, Холл нар ЗХ-ний 150 дугаар ангийн ахлагч нарт цэргийн сахилга журам, ахлагчийн ёс зүй, тусгай бүлгийн ажиллагааны сэдвээр хичээл зааж байгаа ажээ.

Хямралт байдлын үед болон террорист үйлдлийн сөрөг тусгай ажиллагаанд дэмжлэг үзүүлэх үеийн бүлгийн сургалт
Мөн анги “Сургалтын нэгдсэн төлөвлөгөөний дагуу Хямралт байдлын үед болон террорист үйлдлийн сөрөг тусгай ажиллагаанд дэмжлэг үзүүлэх бүлгийн сургалтыг 5 хоногийн хугацаатай төлөвлөн энэ өдрөөс эхэлж байна. Сургалтаар Энхийг сахиулах ажиллагааны арга техникийн хичээлүүдийг төлөвлөсөн бөгөөд төгсгөлд нь 30 км-н цогцолбор марш зохион байгуулж бие бүрэлдэхүүний сэтгэл зүй, үүрэг гүйцэтгэх бэлтгэл жигдрэлтийг сайжруулах зорилго тавин ажиллаж байна.

М.Жаргал