Дэлхийн түүхэд наймдугаар сарын 9-д болсон онцлох гурван үйл явдлыг танилцуулъя.

1945 оны наймдугаар сарын 9. Нагасаки хотод хоёр дахь атомын бөмбөгийг унагав

1945 оны наймдугаар сарын 6-д Японы Хирошима хотод хүн төрөлхтний бүтээсэн хамгийн хөнөөлт зэвсэг болох атомын бөмбөг унагасан АНУ гурван өдрийн дараа буюу наймдугаар сарын 9-д Нагасаки хотод хоёр дахь бөмбөгийг дэлбэлжээ. Дэлбэрэлтийн улмаас 80 мянган иргэн амь үрэгдэж Япон гурван өдрийн дотор 226 мянган хүнээ цөмийн дайралтад алдсан.

1965 оны наймдугаар сарын 9. Сингапур улс Малайзаас тусгаар тогтнов

1959 оноос өөрийгөө удирдах бүс нутаг болсон Сингапур 1965 оны наймдугаар сарын 9-д Малайзтай хэлэлцээр байгуулж тусгаар тогтнолоо зарлажээ. Хүн амынх нь 70 хувийг Хятад, 13 хувийг Малай, 9 хувийг Энэтхэг үндэстнүүд бүрдүүлдэг тус улсын анхны ерөнхий сайдаар Ли Куан Ю ажилласан байна.

2012 оны наймдугаар сарын 9. Усайн Болт 100/200 метрийн гүйлтэд аваргаа хамгаалсан анхны тамирчин болов

Ямайкийн тамирчин Усайн Болт 2012 оны наймдугаар сарын 9-д Лондоны олимпын 200 метрийн зайд түрүүлсэн. Гурван өдрийн өмнө 100 метрийн зайд түрүүлж олимпын дээд амжилт тогтоогоод байсан тэрээр хоёр олимп дараалан 100/200 метрт түрүүлж аваргаа хамгаалсан анхны тамирчин болжээ.