“Даян дэлхийн монгол эмэгтэйчүүд хамтдаа” ТББ-аас санаачлан “Зууны 100 эмэгтэй” төслийг 2018 оноос эхлэн хэрэгжүүлж байна.
Монгол Улсын түүхэн хөгжил, цэцэглэлтэд бодит хувь нэмэр оруулсан бахархалт эмэгтэйчүүдийг хойч үедээ таниулан сурталчлах, алдаршуулах зорилготой. Төслийн хүрээнд 1921 оны Ардын хувьсгалаас хойш 2021 он хүртэлх 100 жилийн хугацаанд нийгмийн бүтээн байгуулалтыг манлайлан удирдаж, өнөөдрийн энх тайван нийгмийг цогцлоосон эрхэмсэг бөгөөд бахархалт, салбар бүртээ манлайлагч эмэгтэйчүүдийг тодруулж тэдний түүхийг олон нийтэд сурталчлан таниулж байна.
Төслийн хүрээнд нэг боть ном хэвлүүлэн өнгөрсөн тавдугаар сард олны хүртээл болгосон. Харин энэ удаад "Зууны 100 эмэгтэй" нэвтрүүлгийг үзэгчдийн хүртээл болгож байна.
“Зууны 100 эмэгтэй” төслийн хүрээнд бүтээх 100 цуврал нэвтрүүлэгт Монголын нийгэм, улс төрд үнэтэй хувь нэмэр оруулсан эмэгтэйчүүдийг онцлон тэдний амьдралын ололт амжилтын түүхийг олон нийтэд сонирхолтой хэлбэрээр хүргэх юм. Цаг үеийн сонирхолтой баримтанд тулгуурлан орчин үеийн залууст сургамжтай, өгөөжтэй талыг түлхүү харуулах юм байна.
Нэвтрүүлгийн тав дахь дугаарт ухамсарт бүхий л амьдралаа монгол хүний эрүүл энхийн төлөө, тэр дундаа арьсны өвчинг илааршуулах, судлах, багшлах үйлсэд хүчин зүтгэж, Монгол улсын анагаахын салбарын 70 жилийн түүхийн гэрч болсон сурган хүмүүжүүлэгч, судлаач, Монгол улсын хүний гавьяат эмч, Ардын эмч Чоймболын Долгорыг онцолжээ.
УЛСЫН НААДАМДАА ЭРҮҮЛ САРУУЛ, ХӨЛ ХӨӨР БОЛОН ДАВХИЛДДАГ САЙХАН ЦАГИЙН ТӨЛӨӨ Ч.ДОЛГОР ЭМЧ 70 ШАХАМ ЖИЛ ЗҮТГЭЖЭЭ
"Хорьдугаар зууны эхэнд аюулт өвчний улмаас хүн амын төрөлт байнга буурч, Чингисийн монгол мөхлөө гэж дэлхийн монгол ч эрдэмтэд ярьж бичиж байсан хүнд үед монгол хүний эрүүл мэндийн төлөө төр засгийн бодлого хэрэгжүүлэх их үйлсийг өөрийн оюун ухаан, мэдлэг чадвар, эх оронч сэтгэлээрээ манлайлагч Ч.Долгор энэ салбарын эмч мэргэжилтнийг бэлтгэх, тогтолцоог хөгжүүлэх, хүн ардыг эрүүлжүүлэн эмчлэх, эрдэм судлалыг хөгжүүлэх их үйлсийг зохион байгуулагч, эрдэмтэн судлаач, багш сурган хүмүүжүүлэгч, төр нийгмийн зүтгэлтний агуу замналыг бүтээсэн монголын эмэгтэйчүүдийн ахмад үеийн нэрт төлөөлөгч юм. Ч.Долгорыг 1947 онд Монгол Улсын Их Сургуулийн Хүн эмнэлгийн факультетийн анхны 13 төгсөгчийн нэг болж Арьс өнгөний больницод их эмчээр хуваарилагдах үед “өнгөний өвчин” гэгч Монголын нийгмийн тулгамдсан асуудлын нэг байв.
15 настайдаа наймдугаар ангиа төгсөөд Монгол Улсын Их Сургуулийн бэлтгэл ангийн гурван сарын курст суралцаж, улмаар Хүн эмнэлгийн салбарт оюутан болж, анхны 75 төгрөгийн оюутны тэтгэлгээрээ ээжийнхээ баярын нулимсыг унагаж байсан Ч.Долгор уг нь дотрын эмч болно гэж бодож явжээ. Гэтэл тухайн үеийн Эрүүлийг хамгаалахын сайд Ч.Тувааны даалгавраар арьс өнгөний эмчийн томилолт өвөртлөв. Төрийн соёрхолт зохиолч Б.Догмидын “Улаан тарианы хүүхнүүд” өгүүллэгт гардагчлан “Шаавай дэгжин бүсгүйчүүд тоос манарган улаан тариандаа давхилдан оддог” тийм л цагт Арьс өнгөний больницын их эмч болов. Улаан тариа гэдэг нь арьс өнгөний өвчтэй хүнд хийдэг тариа. Тэр тариаг хийлгэхээр дэгжин бүсгүйчүүд бөөн бөөнөөрөө давхиж явдаг байсан гэж тухайн цагийн үнэн байдлыг дурайтал бичсэн байдаг. Үнэхээр улаан тариа тариулах гэж биш, улсын наадамдаа эрүүл саруул, хөл хөөр болон давхилддаг сайхан цагийн төлөө Ч.Долгор эмч 70 шахам жил зүтгэсэн юм" хэмээн хэмээн Зууны 100 эмэгтэй I ботид өгүүлжээ.
“Даян дэлхийн монгол эмэгтэйчүүд хамтдаа” ТББ-аас санаачлан “Зууны 100 эмэгтэй” төслийг 2018 оноос эхлэн хэрэгжүүлж байна.
Монгол Улсын түүхэн хөгжил, цэцэглэлтэд бодит хувь нэмэр оруулсан бахархалт эмэгтэйчүүдийг хойч үедээ таниулан сурталчлах, алдаршуулах зорилготой. Төслийн хүрээнд 1921 оны Ардын хувьсгалаас хойш 2021 он хүртэлх 100 жилийн хугацаанд нийгмийн бүтээн байгуулалтыг манлайлан удирдаж, өнөөдрийн энх тайван нийгмийг цогцлоосон эрхэмсэг бөгөөд бахархалт, салбар бүртээ манлайлагч эмэгтэйчүүдийг тодруулж тэдний түүхийг олон нийтэд сурталчлан таниулж байна.
Төслийн хүрээнд нэг боть ном хэвлүүлэн өнгөрсөн тавдугаар сард олны хүртээл болгосон. Харин энэ удаад "Зууны 100 эмэгтэй" нэвтрүүлгийг үзэгчдийн хүртээл болгож байна.
“Зууны 100 эмэгтэй” төслийн хүрээнд бүтээх 100 цуврал нэвтрүүлэгт Монголын нийгэм, улс төрд үнэтэй хувь нэмэр оруулсан эмэгтэйчүүдийг онцлон тэдний амьдралын ололт амжилтын түүхийг олон нийтэд сонирхолтой хэлбэрээр хүргэх юм. Цаг үеийн сонирхолтой баримтанд тулгуурлан орчин үеийн залууст сургамжтай, өгөөжтэй талыг түлхүү харуулах юм байна.
Нэвтрүүлгийн тав дахь дугаарт ухамсарт бүхий л амьдралаа монгол хүний эрүүл энхийн төлөө, тэр дундаа арьсны өвчинг илааршуулах, судлах, багшлах үйлсэд хүчин зүтгэж, Монгол улсын анагаахын салбарын 70 жилийн түүхийн гэрч болсон сурган хүмүүжүүлэгч, судлаач, Монгол улсын хүний гавьяат эмч, Ардын эмч Чоймболын Долгорыг онцолжээ.
УЛСЫН НААДАМДАА ЭРҮҮЛ САРУУЛ, ХӨЛ ХӨӨР БОЛОН ДАВХИЛДДАГ САЙХАН ЦАГИЙН ТӨЛӨӨ Ч.ДОЛГОР ЭМЧ 70 ШАХАМ ЖИЛ ЗҮТГЭЖЭЭ
"Хорьдугаар зууны эхэнд аюулт өвчний улмаас хүн амын төрөлт байнга буурч, Чингисийн монгол мөхлөө гэж дэлхийн монгол ч эрдэмтэд ярьж бичиж байсан хүнд үед монгол хүний эрүүл мэндийн төлөө төр засгийн бодлого хэрэгжүүлэх их үйлсийг өөрийн оюун ухаан, мэдлэг чадвар, эх оронч сэтгэлээрээ манлайлагч Ч.Долгор энэ салбарын эмч мэргэжилтнийг бэлтгэх, тогтолцоог хөгжүүлэх, хүн ардыг эрүүлжүүлэн эмчлэх, эрдэм судлалыг хөгжүүлэх их үйлсийг зохион байгуулагч, эрдэмтэн судлаач, багш сурган хүмүүжүүлэгч, төр нийгмийн зүтгэлтний агуу замналыг бүтээсэн монголын эмэгтэйчүүдийн ахмад үеийн нэрт төлөөлөгч юм. Ч.Долгорыг 1947 онд Монгол Улсын Их Сургуулийн Хүн эмнэлгийн факультетийн анхны 13 төгсөгчийн нэг болж Арьс өнгөний больницод их эмчээр хуваарилагдах үед “өнгөний өвчин” гэгч Монголын нийгмийн тулгамдсан асуудлын нэг байв.
15 настайдаа наймдугаар ангиа төгсөөд Монгол Улсын Их Сургуулийн бэлтгэл ангийн гурван сарын курст суралцаж, улмаар Хүн эмнэлгийн салбарт оюутан болж, анхны 75 төгрөгийн оюутны тэтгэлгээрээ ээжийнхээ баярын нулимсыг унагаж байсан Ч.Долгор уг нь дотрын эмч болно гэж бодож явжээ. Гэтэл тухайн үеийн Эрүүлийг хамгаалахын сайд Ч.Тувааны даалгавраар арьс өнгөний эмчийн томилолт өвөртлөв. Төрийн соёрхолт зохиолч Б.Догмидын “Улаан тарианы хүүхнүүд” өгүүллэгт гардагчлан “Шаавай дэгжин бүсгүйчүүд тоос манарган улаан тариандаа давхилдан оддог” тийм л цагт Арьс өнгөний больницын их эмч болов. Улаан тариа гэдэг нь арьс өнгөний өвчтэй хүнд хийдэг тариа. Тэр тариаг хийлгэхээр дэгжин бүсгүйчүүд бөөн бөөнөөрөө давхиж явдаг байсан гэж тухайн цагийн үнэн байдлыг дурайтал бичсэн байдаг. Үнэхээр улаан тариа тариулах гэж биш, улсын наадамдаа эрүүл саруул, хөл хөөр болон давхилддаг сайхан цагийн төлөө Ч.Долгор эмч 70 шахам жил зүтгэсэн юм" хэмээн хэмээн Зууны 100 эмэгтэй I ботид өгүүлжээ.