Монгол Улсын Ерөнхийлөгч У.Хүрэлсүх Бүгд Найрамдах Киргиз Улсад төрийн айлчлал хийж, хоёр улсын харилцааг Иж бүрэн түншлэлийн түвшинд хүргэх шийдвэрт хүрсэн билээ.  Энэ хүрээнд хоёр улсын сайдууд дөө аж ахуйн салбарын хамтын ажиллагааг өргөжүүлэх зорилгоор харилцан ойлголцлын санамж бичигт гарын үсэг зурсан юм.

Төрийн тэргүүний айлчлалын дараа Бүгд Найрамдах Киргиз Улсын аж ахуйн нэгжүүд Монгол Улсад хүрэлцэн иржээ.

Киргизийн тал Монгол Улсаас мах импортлох урт хугацааны хамтын ажиллагаанд сонирхолтой байгаагаа илэрхийлжээ. Мө Киргиз Улсад үйлдвэрлэсэн жимс, жимсгэнэ болон хүнсний ногоог Монгол Улсад экспортлох боломжтой гэдгээ танилцуулсан аж.

Хоёр тал бараа бүтээгдэхүүний эргэлтийг харилцан ашигтай, тогтвортой болгох чиглэлээр санал солилцож, цаашдын хамтын ажиллагааны боломж, чиглэлийг ярилцсан байна.

Эх сурвалж: ХХААХҮЯ