Бидний тухай
Сурталчилгаа байршуулах
Редакцийн ёс зүй
Нууцлалын бодлого
Холбоо барих
Онцлох
Шинэ
Тренд
Буцах
13
Сүүлийн хоёр сар орчим Улаанбаатарчуудын амьдралын хэмнэлд нэг шинэ маршрут нэмэгдсэн нь шатахуун авах дараалал. Ажлаа тараад гэр лүүгээ түгжирдэг иргэд литр бензин авахын тулд шөнийн турш, зарим нь өглөө үүрээр түгээх станцын манаанд зогсох болжээ.
Өчигдөр (2025.12.17-ны өдөр) 21:00 цагт Гандан орчмын шатахуун түгээх станцууд руу чиглэсэн автомашины уртаа дараалал үүсгэжээ. Шунхлайн ШТС-ын дараалалд зогсох нэгэн ах, "наана чинь шатахуун өгч байна уу? Эмнэлгийн яаралтай ажилтай байдаг, шар гэрэл асчихлаа" хэмээн халаглан асууна.
Петровис станцын түгээгч, "Хоёр өдрийн хэрэглээ нэг өдөрт л дуусаж байна. Одоо бид дараагийн машин бензинээ хүлээгээд л зогсож байна" гэв.
Дараалалд зогсож буй жолооч нарын царайд ядаргаа, бухимдал хоёр зэрэгцэнэ. Иргэн Б 18:00 цагт ажлаа тараад шууд л шатахуун түгээх станцыг зорьсон ч 21:00 цагтай уралдан арай гэж түгээгчийн баганад дөхжээ. Тэрээр хэлэхдээ, өдөр болгон шатахууны эрэлд гарч 8-9 ШТС-аар орно. Сургаар л хаана бензин өгч байна, тийшээ очиж дугаарлаж байна гэв.
Шатахууны тасалбартай ч хангалттай хэмжээнд авч чадалгүй заримдаа 50 мянгад авдаг. АИ-92 бензин нь дууссан үед арга буюу өндөр үнэтэй АИ-95-ыг авч байна. Дээр нь арайхийж дугаарлаж авсан бензин удалгүй дуусна, хомсдлоос гадна чанар их муу байна хэмээн учирлах иргэд ч байлаа.
Эдгээр жишээ бол олон иргэдэд тулгарч буй бэрхшээл. Түгээгчээс нөхцөл байдлыг тодруулахад, тэрээр ачаалал эрс нэмэгдсэн, хоёр өдрийн хэрэглээ нэг өдөрт л дуусаж байна. Одоо бид дараагийн машин бензинээ хүлээгээд л зогсож байна гэв. Энэ нь нийлүүлэлт хэрэглээгээ гүйцэхгүй байгааг илтгэх бодит дүр зураг юм.
Салбар яамны сайд үүссэн нөхцөл байдалд хомсдол үүсээгүй, нөөц хэвийн гэх тайлбарыг өгсөөр буй.
АҮЭБЯ-ны Газрын тосны бодлогын хэрэгжилтийг зохицуулах газрын дарга Ч.Хишигдалай хэлэхдээ, ОХУ-аас энэ сард 83 мянган тонн шатахуун оруулж ирнэ. Ачсан шатахуун Монголд орж ирэх хүртэл 7 хоногийн хугацаа зарцуулагдаж байна. ААН-үүд зохиомлоор хомсдол үүсгээгүй, зарим ШТС-д түр тасалдсан гэх тайлбарыг хэлэв.
Гэвч аравдугаар сараас эхэлсэн энэ асуудал 12 дугаар сар дундаа орсон ч шийдэгдээгүй төдийгүй өвлийн хүйтэнтэй зэрэгцэн иргэдийг туйлдуулж байна. Төр засаг "түр зуурын тасалдал" гэж тодорхойлж байгаа ч иргэдийн хувьд энэ хоногийн хүлээлт, бухимдал болон хувирчээ.
Сүүлийн хоёр сар орчим Улаанбаатарчуудын амьдралын хэмнэлд нэг шинэ маршрут нэмэгдсэн нь шатахуун авах дараалал. Ажлаа тараад гэр лүүгээ түгжирдэг иргэд литр бензин авахын тулд шөнийн турш, зарим нь өглөө үүрээр түгээх станцын манаанд зогсох болжээ.
Өчигдөр (2025.12.17-ны өдөр) 21:00 цагт Гандан орчмын шатахуун түгээх станцууд руу чиглэсэн автомашины уртаа дараалал үүсгэжээ. Шунхлайн ШТС-ын дараалалд зогсох нэгэн ах, "наана чинь шатахуун өгч байна уу? Эмнэлгийн яаралтай ажилтай байдаг, шар гэрэл асчихлаа" хэмээн халаглан асууна.
Петровис станцын түгээгч, "Хоёр өдрийн хэрэглээ нэг өдөрт л дуусаж байна. Одоо бид дараагийн машин бензинээ хүлээгээд л зогсож байна" гэв.
Дараалалд зогсож буй жолооч нарын царайд ядаргаа, бухимдал хоёр зэрэгцэнэ. Иргэн Б 18:00 цагт ажлаа тараад шууд л шатахуун түгээх станцыг зорьсон ч 21:00 цагтай уралдан арай гэж түгээгчийн баганад дөхжээ. Тэрээр хэлэхдээ, өдөр болгон шатахууны эрэлд гарч 8-9 ШТС-аар орно. Сургаар л хаана бензин өгч байна, тийшээ очиж дугаарлаж байна гэв.
Шатахууны тасалбартай ч хангалттай хэмжээнд авч чадалгүй заримдаа 50 мянгад авдаг. АИ-92 бензин нь дууссан үед арга буюу өндөр үнэтэй АИ-95-ыг авч байна. Дээр нь арайхийж дугаарлаж авсан бензин удалгүй дуусна, хомсдлоос гадна чанар их муу байна хэмээн учирлах иргэд ч байлаа.
Эдгээр жишээ бол олон иргэдэд тулгарч буй бэрхшээл. Түгээгчээс нөхцөл байдлыг тодруулахад, тэрээр ачаалал эрс нэмэгдсэн, хоёр өдрийн хэрэглээ нэг өдөрт л дуусаж байна. Одоо бид дараагийн машин бензинээ хүлээгээд л зогсож байна гэв. Энэ нь нийлүүлэлт хэрэглээгээ гүйцэхгүй байгааг илтгэх бодит дүр зураг юм.
Салбар яамны сайд үүссэн нөхцөл байдалд хомсдол үүсээгүй, нөөц хэвийн гэх тайлбарыг өгсөөр буй.
АҮЭБЯ-ны Газрын тосны бодлогын хэрэгжилтийг зохицуулах газрын дарга Ч.Хишигдалай хэлэхдээ, ОХУ-аас энэ сард 83 мянган тонн шатахуун оруулж ирнэ. Ачсан шатахуун Монголд орж ирэх хүртэл 7 хоногийн хугацаа зарцуулагдаж байна. ААН-үүд зохиомлоор хомсдол үүсгээгүй, зарим ШТС-д түр тасалдсан гэх тайлбарыг хэлэв.
Гэвч аравдугаар сараас эхэлсэн энэ асуудал 12 дугаар сар дундаа орсон ч шийдэгдээгүй төдийгүй өвлийн хүйтэнтэй зэрэгцэн иргэдийг туйлдуулж байна. Төр засаг "түр зуурын тасалдал" гэж тодорхойлж байгаа ч иргэдийн хувьд энэ хоногийн хүлээлт, бухимдал болон хувирчээ.
