Монгол Улс 2026 оны 1 дүгээр сард нийт 105 улстай худалдаа хийж, гадаад худалдааны нийт бараа эргэлт 2.6 тэрбум ам.доллар болсон байна. Үүнээс экспорт 1.7 тэрбум ам.доллар, импорт 843.0 сая ам.доллар болж, тэнцэл 906.5 сая ам.долларын ашигтай гарчээ.

Экспорт 2026 оны 1 дүгээр сард өмнөх оны мөн үеэс 730.2 сая ам.доллароор өсөхөд

• зэсийн хүдэр ба баяжмал 462.3 сая ам.доллар,
• нүүрс 167.6 сая ам.доллар,
• боловсруулаагүй буюу хагас боловсруулсан алт 95.5 сая ам.доллар,
• лаазалсан махан бүтээгдэхүүн 8.3 сая ам.доллароор тус тус өссөн нь голлон нөлөөлжээ.

Харин

• жоншны хүдэр ба баяжмал 15.0 сая ам.доллар,
• цайрын хүдэр ба баяжмал 6.0 сая ам.доллар,
• боловсруулаагүй газрын тос 5.6 сая ам.доллар,
• молибдений хүдэр, баяжмал 2.5 сая ам.доллароор буурсан байна.

Та дэлгэрэнгүйг ЭНД дарж хүлээн авна уу. 

Эх сурвалж: ҮСХ