Монголд ажиллах гэж ирсэн айлдаа амиа Филиппин улсын иргэн Террил Атиензагийн хоёр охин, аавын хамт өнөөдөр Монгол Улсад ирлээ. Тэд ээжийнхээ амиа алдсан хавтаст хэргийн материалтай танилцахаар ирсэн бөгөөд хагацлын зовлон үзсэн энэ гэр бүлд сэтгүүлч С.Будрагчаагийн хүсэлтийн дагуу “Пэйнт Партнерс” хууль зүйн фирм эрх зүйн туслалцаа үзүүлэхээр болжээ.

“Боолчлогч” нэвтрүүлгийг үзсэн Монголын ард түмэн энэ гэр бүлийг Монголд авчирч, хавтаст хэргийн материалтай танилцах, хэргийг шударгаар шийдүүлж гэм буруутнуудад хариуцлага хүлээлгэхийг хүсэж, хандив өргөсөн билээ.
 
Сэтгүүлч С.Будрагчаа болон түүний багийнхан Террил Атиензагийн гэр бүлийг нисэх буудалд угтан авч, хэвлэлийн бага хурлыг зохион байгуулав. Хэвлэлийн хурлын үеэр энэ хэргийг шударгаар шийдвэрлүүлэхийг хүсэж илгээсэн Монголын ард түмний хандив болох 17200 ам.долларыг гэр бүлийнхэнд нь хүлээлгэн өглөө.

Сэтгүүлч С.Будрагчаа, Та бүхний ээж олон жилийн өмнө хүүхдүүдийнхээ сургалтын төлбөрийг олохоор Монголд ирээд амь эрсэдсэн. Гэхдээ та бүхэн тэр гэр бүлээр Монголын ард түмнийг битгий төлөөлж ойлгоорой. Монголчууд сайхан сэтгэлтэй, цайлган цагаан, хүнийг баян ядуу гэж ялгадаггүй гэгээлэг ард түмэн юм шүү. Та бүхний 14 жилийн тэртээх уй гашууг тайлж, алган дээрээ бөмбөрүүлж байгаад буцаах болно гэв.  

Дулаан орноос дэлхийн хамгийн хүйтэн нийслэлд ирсэн аав, охидод сайхан сэтгэлт хүмүүс өвлийн гутал, дулаан хүрэм зэргийг бэлдээд угтсан юм.