Нийслэлийн хэмжээнд орон сууцны гадна талбай, замуудад ариутгал хийжээ. 

Тодруулбал 2025 оны 08-р сарын 21-ний 08:00 цагаас 22-ны 06:00 цаг хүртэлх хугацаанд нийт үер усны 192 дуудлага мэдээлэл ирж,  НОБГ болон гамшгаас хамгаалах алба мэргэжлийн ангиас  766 алба хаагч 106  техник хэрэгсэлтэйгээр ажиллалаа.

Үер, усны холбогдолтой дуудлага мэдээлэл Мэдээлэл шуурхай удирдлагын төвийн 101, 105 дугаарт 31, УБШУЗТ-ийн 11-310005 тусгай дугаарт 67, дүүргүүдийн Шуурхай штабт 53 нийт 192 дуудлага мэдээлэл бүртгэгдсэнээс  90 дуудлага мэдээлэл дээр ажиллаж, 8560 тонн ус соруулан хэвийн байдал орууллаа.  Бусад 102 дуудлага дээр мэргэжлийн байгууллагын зөвлөмжийг өгөв.

Мөн Баянзүрх дүүргийн XVIII хорооны нутаг дэвсгэр дэх ЕБС-ийн 84 дүгээр сургуулийн өмнөх орон сууцны В1 давхар усаар дүүрснийг соруулж, цэвэрлэгээ ариутгал хийжээ. Нийт 7 байгууллагын 300 гаруй албан хаагч 30 техник хэрэгсэлтэй усны шүүрт худгийн цэвэрлэгээ,  лаг шаврыг цэвэрлэжээ. 

Эх сурвалж: НИТХ, УБЗАА