Боловсролын салбарын 2026 оны төсвийн төсөлд олон нийтийн санал авах танхимын хэлэлцүүлэг болж байна.

Боловсролын сайд П.Наранбаяр: 

- Цалингийн асуудалд ихээхэн анхаарал хандуулж буй. Уг асуудлаар өнөөдөр Засгийн газарт ч ярилаа.  Ерөнхий сайд хэмнэлт хийсэн төсвөө эрүүл мэнд, боловсролын салбарт цалин урамшууллыг нэмэхэд зарцуулах ёстой гэсэн байр суурьтай байсан. Бид үүний зэрэгцээ цалингийн бүтцэд өөрчлөлт оруулах ёстой гэж бодож байна. Хүртээмжийн тухайд, нийслэлийн 9 дүүргийн 70 хорооны 58 хороо нь ямар ч сургуульгүй. 

Сургуулийн ээлжийн коэффициент 1-ээр буурахад, сурагчийн математикийн оноо 8-аар нэмэгддэг. 

Энэ 9-р сараас ЕБС-д өмнөх жилээс даруй 28 мянгаар илүү хүүхэд шинээр элсэнэ, энэ тоо 2030 он гэхэд 80 мянга болж нэмэгдэнэ. 2028 он хүртэл 108 сургууль, 95 цэцэрлэг барих хэрэгцээ бий. Тиймээс 2026 оны төсвийн төлөвлөгөөнд тус бүр 45 цэцэрлэг, сургууль шинээр барихаар тусгасан ба үүнд ₮1,9 их наядын хөрөнгө оруулалт шаардлагатай. Энэ жил бид 561 тэрбум төгрөгийн төсвийн дээд хязгаартай батлуулсан. Мөн Азийн хөгжлийн банктай 200 сая ам.доллартой тэнцэх хэмжээний хөнгөлөлттэй зээлийг сургууль, цэцэрлэг барихад ашиглахад зарцуулахаар хэлэлцэж байна. 

Хүртээмжтэй холбоотой асуудал хүүхдийн сурлагад нөлөөлдөг. Сургуулийн ээлжийн коэффициент 1-ээр буурахад, сурагчийн математикийн оноо 8-аар нэмэгддэг.