УИХ-ын чуулганы  үдээс хойших  нэгдсэн хуралдаанаар Төрийн байгуулалтын байнгын хорооны өнөөдрийн /2024.07.09/ хуралдаанаар хэлэлцсэн тогтоолын төсөлд өөрчлөлт оруулах асуудлыг УИХ-ын гишүүн О.Номинчимэг чуулганы хуралдаанд танилцуулав.

УИХ-ын чуулганы дэгийн тухай хуулийн 27-р зүйлд 3 дахь хэсэгт заасны дагуу Засгийн газрын гишүүд тангараг өргөх журмыг УИХ батална гэж заасны дагуу 2020 онд баталсан Монгол Улсын Засгийн газрын гишүүний тангараг өргөх журамд өөрчлөлт оруулах тогтоолын төслийг оруулж ирэв.

Төсөлд, “Засгийн газрын гишүүд тангаргийг хамтаар өргөх бөгөөд насаар хамгийн ахмад гишүүн тангаргийг уншиж, бусад гишүүд давтан хэлнэ. Харин нөхөн томилогдсон бол тангаргийг ганцаар уншиж болохоор” өөрчлөх зохицуулалтыг оруулж буй талаар тогтоолын төсөлд тусгажээ.

Уг асуудлыг дэмжих, эсэх санал хураалт явуулахад хуралдаанд оролцсон гишүүдийн олонх дэмжсэнээр тогтоолын төслийг батлав.

Үргэлжлүүлэн УИХ-ын даргын дэргэдэх зөвлөл хуралдах тул УИХ-ын чуулганы нэгдсэн хуралдааныг түр завсарлуулав.