“Парис-2024” зуны 33 дахь удаагийн зуны олимпын эхлэхэд ердөө 7 хоног үлдлээ.

Тодруулбал, нээлтийн үйл ажиллагаа ирэх Баасан гарагт буюу долоодугаар сарын 26-нд болно. /Улаанбаатарын цагаар 2024 оны долоодугаар сарын 27, бямба гараг/ Харин ёслолын арга хэмжээнээс өмнө буюу 24-25-нд байт харваа, хөл бөмбөг, регби зэрэг төрлүүдийн тэмцээн эхэлсэн байх болно.

Монгол Улс өнгөрсөн хугацаанд зуны олимпын наадмаас 30, паралимпын наадмаас 4 медаль хүртсэн амжилттай билээ.

“Парис-2024” зуны 33 дахь удаагийн олимпод монгол тамирчид байт харваа, усанд сэлэлт, жүдо, бокс, чөлөөт бөх, дугуй, буудлага, хөнгөн атлетик, хүндийн өргөлт зэрэг 9 төрөлд 34, паралимпын наадмын пара пауэрлифтинг, пара байт харваа, пара таеквондо, пара усанд сэлэлт, пара жүдо, пара хөнгөн атлетик зэрэг 6 төрөлд 10 эрх, нийт 44 эрхтэйгээр оролцоно.

Манай улсын баг, тамирчдын дэлгэрэнгүй мэдээг ЭНД дарж харна уу.

Олимпын тэмцээний дэлгэрэнгүй хуваарийг ЭНД дарж хүлээн авна уу.