УИХ-ын гишүүдээс насаар хамгийн ахмад гишүүн эхний тангараг өргөж, бусад гишүүд цагаан толгойн үсгийн дарааллаар тангаргаа өргөх юм. УИХ-ын хамгийн ахмад гишүүн, Академич Дүгэрийн Рэгдэл тангараг өргөх ёслолыг эхлүүлэв.

УИХ-ын гишүүний тангараг:
"Монгол Улсыг Их хурлын гишүүн би ард түмнийхээ элчийн хувьд нийт иргэн улсын ашиг сонирхлыг эрхэмлэн төрт ёс, түүх соёлынхоо уламжлалыг хүндэтгэж, Монгол Улсын Үндсэн хуулийг дээдлэн сахиж, авлига ашиг сонирхлын зөрчлөөс ангид байж гишүүний үүргээ чин шударгаар биелүүлэхээ тангараглаж байна. Миний бие энэхүү тангаргаас няцвал хуулийн хариуцлага хүлээнэ" гэж тангараг өргөж байна.   

 

Д.РЭГДЭЛ: ГИШҮҮД ЗӨВХӨН ТАНГАРГИЙН ҮГИЙГ ХЭЛНЭ, ӨӨР ҮГ ХЭЛЭХГҮЙ ШҮҮ

Тангараг өргөх ёслол үргэлжилж байна. УИХ-ын  гишүүн С.Ганбаатар хуульд заасан тангаргийн үгийг хэлсний дараа “Мөнх хөх тэнгэр Монгол орныг минь ивээг” гэж хэлээд УИХ-ын чуулганыг даргалагч Д.Рэгдэлээс сануулга авав. 

Тэрбээр, Гишүүд  зөвхөн тангаргийн үгийг хэлнэ. Өөр үг хэлэхгүй шүү гэж сануулсан юм.