Гэр бүл, хөдөлмөр, нийгмийн хамгааллын сайд Л.Энх-Амгалан “Дэл Оюу Дөл” ХХК-ийн “Эрхэм чанар” протезийн үйлдвэрийн үйл ажиллагаатай танилцаж, тулгамдаж буй асуудал, санал, шийдлийг нь сонслоо.

Тус протезийн үйлдвэр нь дэлхийн жишиг, стандартад нийцсэн тоног төхөөрөмжөөр сүүлийн үеийн протез, ортопед, тусгай зориулалтын гутал үйлдвэрлэж, сувилал, сэргээн засах чиглэлээр үйл ажиллагаа явуулдаг.

Монгол Улсад өнөөдөр 20.000 хүн протез хэрэглэдэг. Манай улсын халамжийн сангаас гаргадаг зардал нь чанартай, эдэлгээ сайн протез үйлдвэрлэж, иргэдэд хүргэхэд хүрэлцэхгүй байна.

Эрүүл мэндийн даатгал болон Үйлдвэрлэлийн осол, мэргэжлээс шалтгаалах өвчний даатгалтайгаа уялдаа холбоогүй. Цаашид эрэлт хэрэгцээнд нийцсэн үйлчилгээ үзүүлж, нийгмийн халамжийн зардлыг нэмэгдүүлэх боломжийг судална хэмээн Л.Энх-Амгалан сайд мэдээллээ.