Ерөнхийлөгч У.Хүрэлсүх өнөөдөр Оюу толгойн уурхайл ажиллах үеэр тус компанийн гүйцэтгэх захирал Дэйрдрэ Лингенфэлдер танилцуулга хийсэн юм.

Түүний илтгэлийг та бүхэнд хүргэж байна.

Эрхэм Монгол Улсын Ерөнхийлөгч У.Хүрэлсэх, Засгийн газрын хүндэт гишүүд, зочид төлөөлөгчид та бүхнийг Оюу толгойн уурхайтай танилцуулах завшаан тохиож буйд туйлын баяртай байна.

Хүндэт зочид, төлөөлөгчид та бүхэн манай уурхайд саатан морилж буй явдал нь Монгол Улсын Засгийн газар, Рио Тинто группийн бат бөх хийгээд он удаан жилийн түншлэлийн илрэл юм. Энэхүү хамтын ажиллагаа нь зэсийн хариуцлагатай бөгөөд тогтвортой олборлолт үйлдвэрлэлийн ирээдүйг дэлхийн тавцанд тодорхойлж буй билээ.

Рио Тинто группийн Гүйцэтгэх захирал Якоб Стаусхолм, тус группийн Зэсийн группийн захирал Кэйти Жаксон, Эрдэнэс Монгол компанийн захирал С.Наранцогт, Эрдэнэс оюу толгой компанийн гүйцэтгэх захирал Ганхүү болон Оюу толгой компанийн Төлөөлөн удирдах зөвлөлийн дарга Шон Хинтон нар хүрэлцэн ирсэнд талархаж байна.

“Хурдан явъя гэвэл ганцаараа яв. Хол явъя гэвэл хамт яв” гэх Мозамбик үндэстний хэлц үгийг хөрш Өмнөд Африкаас гаралтай хүний хувьд би хэлэх дуртай. Хамтын ажиллагаа, түншлэлийн хүчээр хол явна гэдэгт ч миний бие итгэл төгс байна.

Оюу толгой компанийн гүйцэтгэх захирлын хариуцлагатай албанд сүүлийн гурван жилийн хугацаанд томилогдон ажиллаж буйн хувьд энэхүү түншлэлийн дүнд хамтын хүчээр боссон бүтээн байгуулалтыг та бүхэнд танилцуулах завшаан тохиож буй нь нэр төрийн хэрэг юм.

Шаргуу хөдөлмөрч хамт олон, ер бусын хүдрийн биет, шилдэг технологи болон тогтвортой хөгжлийн төлөөх цуцашгүй хүчин чармайлт бол бидний амжилтын жор юм.

Манай компанийн стратеги нь “Алсын хараа 2050” Монгол Улсын урт хугацааны хөгжлийн бодлого болон Рио Тинтогийн хөгжлийн стратегид гүн гүнзгий уялдаж боловсруулагдсан.

Бизнесийн үйл ажиллагааг өргөжүүлэн, хамт олон болон орон нутагт хөрөнгө оруулах, эх дэлхийгээ хайрлан хамгаалах, эдийн засгийн сөрөн тэсвэрлэх чадавхыг дэмжих зэргээр урт хугацаандаа улс оронд өгөөжөө өгсөөр байх үндэс суурь болсон Оюу толгойн үйл ажиллагаатай та бүхнийг бахархалтайгаар танилцуулах гэж буйдаа нэн таатай байна.

Манай компанийн стратеги нь “Алсын хараа 2050” Монгол Улсын урт хугацааны хөгжлийн бодлого болон Рио Тинтогийн хөгжлийн стратегид гүн гүнзгий уялдаж боловсруулагдсан.

Оюу толгойд агуулагдаж буй гайхалтай нөөц боломжийн талаар цухас дурдъя.

Биднийг өсөлт хөгжил өөд түлхэж буй эдгээр хүчин зүйлсийн дэмжлэгтэйгээр Оюу толгой нь дэлхийн энтэй, зэс, алтны цогцолбор уурхай болон хөгжиж буй бөгөөд дэлхийн зэсийн зах зээлд нөлөө бүхий тоглогч болох замаа засаад байна.

17 мянга орчим залуус Оюу толгойд хөдөлмөрлөж байна. Манай хамт олны 97 хувийг монголчууд бүрдүүлж буй бөгөөд үүнийг дөрөвний нэг буюу 24.7 хувийг Өмнөговь аймгийн иргэд. Хүйсийн хувьд Оюу толгойчуудын 23 хувийг эмэгтэйчүүд бүрдүүлж байгаа нь дэлхийн дундаж 15 хувиас хавьгүй өндөр үзүүлэлт.

Эмэгтэйчүүд сэрээт ачигч, өөрөө буулгагч машин, гүний уурхайн инженерчлэлээс авахуулаад нөөцийн төлөвлөлт дээр ажиллаж цомхон багаас олон хүнтэй хамт олныг чадварлаг удирдаж байна.

Манай хамт олны 97 хувийг монголчууд бүрдүүлж буй бөгөөд үүнийг дөрөвний нэг буюу 24.7 хувийг Өмнөговь аймгийн иргэд.

Гүний уурхайд таван зуу орчим эмэгтэй ажилладаг. Бид энэ амжилтаа улам ахиулж ирэх арван жилийн хугацаанд эмэгтэй ажилтнуудын эзлэх жинг 50 хувьд хүргэхээр стратегидаа тусгасан.

Бид Рио Тинтогийн жишиг арга барилыг нэвтрүүлснээр аюулгүй ажиллагаагаар салбартаа тэргүүлэгчдийн нэг болж энэ байр сууриа хадгалах зорилготой.

Бид хамтран ажиллагч дотоодын компани, аж ахуйн нэгжүүдэд худалдан авалтынхаа 90 хувийг зарцуулсан нь орон нутгийн болон үндэсний баялаг бүтээгчидтэй хамтран улс оронд илүү өгөөж авчрах зорилгын нэгэн илрэл юм гэв.