"Оюу толгой" компани 2024 оны дөрөвдүгээр улирлын тайлангаа танилцууллаа.

2023 оны дөрөвдүгээр улиралтай харьцуулахад зэсийн үйлдвэрлэл 63 хувиар өссөн нь гүний уурхайд үйлдвэрлэл эрчимжиж, хүдрийн агуулга нэмэгдсэнтэй холбоотой гэв.

Өнгөрсөн аравдугаар сард хүдрийг 1,300 метрийн гүнээс газрын гадарга руу тээвэрлэх 6.9 км урт туузан дамжуургын бүтээн байгуулалтыг дуусгажээ. Ингэснээс үйлдвэрлэл өмнөх улирлаас 33 хувиар өссөн  байна. Хүдрийн агуулга сайжирснаар ил уурхайн гарц мөн нэмэгдсэн.

Дэлхийд хоёрхон байдаг, туузан дамжуургын нэгийг “Оюу толгой”-д суурилуулжээ. Туузан дамжуурга бүрийн дэргэд цахилгааны хэсгүүд бий.

Гадаргын 220/35 киловольтын дэд станцаас 35 киловольтын шугамаар гүний уурхайн дэд станцыг цахилгаан эрчим хүчээр хангадаг ба энэхүү байгууламжаас туузан дамжуургыг тэжээдэг. Манай улсад анх удаа суурилуулсан энэ туузан дамжуургa 1.6м өргөн, 1.4м урт, галд тэсвэртэй, хүчитгэсэн ган тороостой, резинэн материалаар хийсэн, уртын дагуу 7 дамартай. Туузан дамжуургыг өндөр температурт холбож наасан байна.