START байгууллага нь жил бүр Монгол Улсын Стартап Экосистемийн Зураглалыг боловсруулж гаргадаг билээ. Гол зорилго нь стартапын хүрээллийг (community) бэхжүүлэх, байгууллага хоорондын хамтын ажиллагаа, хөрөнгө оруулалтын боломжуудыг бий болгох ба олон нийтэд Монгол улсад идэвхтэй үйл ажиллагаа явуулж буй стартапууд, технологийн шийдлүүдийг танилцуулах байдаг.

2023 оны зураглал нь 159 компани 27 бүлэгт, экосистемийг дэмжигч хэсэг нь 77 байгууллага 12 бүлэгтэй байсан бол 2024 оны зураглал 211 компани 29 бүлэгтэй, экосистемийг дэмжигч хэсэг нь 80 байгууллага 11 бүлэгтэй болж өргөжиж байсан.

Стартап экосистемийн зураглалыг боловсруулж гаргахдаа нээлттэй бүртгэл үүсгэж шалгаруулалт хийдэг. Тухайн бүртгүүлсэн байгууллагын мэдээлэл дээр үндэслэж зураглалд оруулах эсэх шийдвэрийг гаргадаг ба үүнд байгууллагын бүтээгдэхүүн үйлчилгээ зах зээлд нэвтэрсэн байдал, шийдлийн өвөрмөц ба инновацлаг байдал, нийгэмд үзүүлж буй нөлөө, бизнес моделийн онцлог, ашиглаж буй технологийн давуу байдал, харилцагч, хэрэглэгчдийн тоо, үйл ажиллагаа явуулж буй менежментийн арга барил, үүсгэн байгуулагчдын ёс зүй, энтрепренериал ажлын арга барил  зэрэг зүйлсийг хардаг.

2025 оны зураглал болон үүний хүрээнд болох буй арга хэмжээний ивээн тэтгэгч байгууллагаар Нээлттэй банк болох Голомт банк,  хамтрагчаар Сократус Стартап Студио, Тэсо Инвэстмэнт гэх байгууллагууд оролцож байгаа нь тус зураглалын хүртээмжийг нэмэгдүүлж, стартап экосистемийн хөгжилд хувь нэмэр оруулж буй хэрэг юм.

Энэ жилийн бүртгэл нь 2025 оны 02 сарын 03-28 нийг хүртэл бүртгэлээ авч 3 сарын 14нд тус зураглалд орсон бүх байгууллагын үүсгэн байгуулагчдын дунд болох нэтвөркинг арга хэмжээний үеэр  2025 оны шинэ зураглалаа танилцуулах юм.

Та бүхэн https://forms.gle/yEkpWZ7ZP1rh8K366 энэхүү формоор бүртгэлээ илгээгээрэй.