Eruul.Gerege.mn системийн сүүлийн хоёр сар орчим хугацааны төлбөрийг төлөөгүй тул өнөөдөр өглөөнөөс эхлэн ажиллахгүй байгаа юм. Тэгвэл энэ системийн төлбөрийн асуудлыг шийдсэн. Хэвийн ажиллахаар бэлтгэл ажлаа хийж байна гэж Эрүүл мэндийн сайд С.Энхболд мэдээллээ. 

Тэрээр, "Eruul.Gerege системийг 2020 оны арванхоёрдугаар сараас ашиглаж эхэлсэн. УОК, ХӨСҮТ Gerege системтэй гуравласан гэрээ хийж, энэ программ ажиллаж эхэлсэн. Одоогийн байдлаар программд ямар нэгэн асуудал үүсээгүй. Төлбөрийн асуудлууд шийдэгдсэн. Гэрээний дагуу хэвийн ажиллагаанд орж эхлэхээр системийн сайжруулалтаа хийгээд явж байна" гэв.