Коронавирусийн халдварын эсрэг вакцин манай улсад 2022 оноос нааш орж ирэхгүй гэсэн мэдээлэл цахим орчинд цацагдаж, иргэдийн бухимдал шүүмжлэл дагуулсан. Энэ асуудалд Сангийн сайд Ч.Хүрэлбаатар өчигдөр /2020.12.13/ Засгийн газрын хуралдааны шийдвэрийг танилцуулах хэвлэлийн хурлын үеэр тайлбар хийсэн юм.

Тэрбээр, "2020-2021 оны төсөвт вакцин авахад 51 тэрбум төгрөг төсөвлөсөн. Мөн Эрүүл мэндийн даатгалын эрсдэлийн сангаас вакцинд нэмэлт санхүүжилт гаргах боломжтой ч түүндээ хүрэхгүйг эрмэлзэж байна.

Вакциныг хэрхэн хурдан оруулж ирэх талаар судалж, хоёр ч ажлын хэсэг идэвхтэй ажиллаж байна. Бид COVAX хөтөлбөрийн санаачлагчдын нэгээс санхүүжилт авахаар ажиллаж байна. Уг хөтөлбөрийн хүрээнд улс орнууд вакциныг худалдан авах ба үүнд манай улс орвол вакцин авах хугацаа наашлах боломжтой гэлээ.

Энэ талаар Ерөнхий сайд У.Хүрэлсүх нэмэлт мэдээлэл өгсөн юм. Ерөнхий сайд, Бидэнд хоёр төрлийн вакцин бий. Нэг хамгийн сайн вакцин бол хүн бүхэнд байгаа сахилга хариуцлагын вакцин. Хоёр дахь нь болох коронавирусийн халдварын эсрэг вакциныг ирэх 6-8 дугаар сард Монголд оруулж ирэх байх. Монгол Улсад вакцин авах Сангийн сайдаар ахлуулсан ажлын хэсэг Засгийн газрын онцгой хяналтын дор ДЭМБ-аас хүлээн зөвшөөрөгдсөн, чанарын шаардлага хангасан вакциныг оруулж ирж, иргэдээ дархлаажуулах ажлыг зохион байгуулна гэв.