НЗД-ын нэгдүгээр орлогч Т.Даваадалай болон холбогдох албаныхан өнөөдөр 17:00 цагт  Өргөө зочид буудлыг нийслэлийн өмчид буцааж авах тухай мэдэгдлийг өгнө. 

Өргөө зочид буудал хотын төвд, Гутлын 22 гудамжинд байрладаг. 2025-10-20-нд хотын дарга Х.Нямбаатар "Нийслэл алдагдсан өмчүүдээ эргүүлэн авах ажил дуусаагүй. Энэ ажлын хүрээнд “Өргөө” зочид буудлыг эргүүлэн авна. Хуучнаар Гутлын 22, одоогийн “Өглөөний гудамж”-нд байрлах “Өргөө” зочид буудлыг Монгол Улсын гурав дахь Ерөнхийлөгч Н.Энхбаярын хамаарал бүхий хүмүүс 10 гаруй жил хууль бусаар эзэн суулаа. Нийслэлийн өмчид авах шийдвэр нь 2013-2014 оны үед гарсан. Энэ хүмүүсийг гаргаж, нийслэл өмчөө эргүүлж авна.

Хүн бүр хууль, шүүхийн өмнө тэгш эрхтэй байх ёстой. Ерөнхийлөгч байсан хүн бусдаас давуу эрх эдэлж, нийслэлийн өмчийн үл хөдлөх хөрөнгийг хууль бусаар авч, өчнөөн жил өмчилдөг байж таарахгүй. Н.Энхбаяр дарга та “Өргөө” зочид буудлыг чөлөөлж өг" гэж шаардсан юм.