Amazon компанийн үүлэн үйлчилгээнд гарсан техникийн доголдол олон тооны аппликэйшн, сайтын үйл ажиллагаа түр хугацаанд саатахад хүргэжээ.

Тодруулбал Snapchat, Roblox, Signal, Duolingo зэрэг олон хэрэглэгчтэй томоохон аппликэйшнүүд болон Amazon-ы өөрийн үйлчилгээнүүд болох үндсэн худалдааны сайт зэрэг багтжээ.

Downdetector сайтын мэдээлснээр 2000 гаруй компани энэ доголдлын улмаас хохирсон бөгөөд найман сая гаруй хэрэглэгч уг асуудлын талаар мэдээлсэн байна.

Ихэнх сайтын үйл ажиллагаа хэдэн цагийн дотор хэвийн болсон ч зарим нь өдрийн турш сааталтай байжээ. Даваа гаргийн орой Amazon компани бүх үүлэн үйлчилгээ нь бүрэн хэвийн болсон гэж мэдэгдсэн.

Энэ доголдол нь интернет систем цөөн хэдэн том технологийн компанид хэт их хамааралтай болсныг харуулж байна гэж мэргэжилтнүүд дүгнэв.

Үүлэн үйлчилгээний зах зээлийн томоохон компаниуд нь Amazon, Microsoft болон Google юм.

Өнгөрсөн онд CrowdStrike компани програмаа шинэчлэх явцад асуудал үүссэн. 

Үүний улмаас Microsoft-ийн Windows систем түр хугацаанд саатаж, нисэх буудал, эрүүл мэндийн байгууллага болон бизнесүүдийг хамарсан “түүхэн дэх хамгийн том системийн доголдол”-ыг бий болгосон юм. 

Эх сурвалж: Reuters