УИХ-ын чуулганаар өнөөдөр Ерөнхий сайд Г.Занданшатарыг огцруулах саналыг хэлэлцэн, шийдвэрлэлээ.

Ерөнхий сайд үг хэлсний дараа хуралдаан даргалагч УИХ-ын дэд дарга Х.Булгантуяа “Ерөнхий сайдыг огцруулах тухай ТББХ-ны дэмжээгүй саналыг дэмжье” гэсэн саналын томъёоллоор санал хураалт явуулав. Уг саналыг 71 гишүүн дэмжиж саналаа өгснөөр Ерөнхий сайд Г.Занданшатарыг огцрууллаа гэж УИХ-ын тогтоолын төсөл уншиж, танилцуулан алх тогшив.

Санал хурааалтын дараа Ерөнхий сайд Г.Занданшатар дэд дарга Х.Булгантуяагийн ширээнд ирж, “За баярлалаа” гэж гар барихад хариуд нь, "Уучлаарай, ийм муухай саналаар хуралдаан даргалчихлаа" гэж гэмшингүй аясаар хэлсэн нь чуулганд танхимд сонсогдож, гишүүд нирхийтэл инээлдэв. 

Дэд дарга Х.Булгантуяа, Миний хувьд бол муухай л юм гэж микрофонд хэллээ.