НИТХ-ын төлөөлөгч Б.Эрдэнэсүхийг яллагдагчаар татах саналтайгаар прокурорт шилжүүлжээ.

Тодруулбал, түүнийг гэр бүлийн хүчирхийлэл үйлддэг, хэргээ танил талуудаараа дамжуулан нуун дарагдуулдаг хэмээн эхнэр нь хэвлэлд өгсөн саяхны ярилцлагадаа дэлгэрэнгүй мэдээлсэн билээ. 

НИТХ-ын төлөөлөгч Б.Эрдэнэсүхийг эхнэрээ зодож,  гэр бүлийн хүчирхийлэл үйлдсэн  хэргийн талаар Хан-Уул дүүргийн прокурорын газраас тодрууллаа.

Хан-Уул дүүргийн цагдаагийн газраас “иргэн О.Н-ыг нөхөр Б.Э байнга зодож , гэр бүлийн хүчирхийлэл үйлдсэн” гэсэн гомдолд хэрэг бүртгэлтийн хэрэг нээж, энэ сарын 13-ны өдөр Б.Э-г “Гэр бүлийнхээ хүнийг байнга зодсон, харгис хэрцгий харьцсан, догшин авирлаж, тарчлаасан” хэрэгт холбогдуулан эрүүгийн хэрэг үүсгэж яллагдагчаар татах санал гарган ирүүлснийг Хан-Уул дүүргийн прокурорын газраас хянаад, мөрдөгчийн саналыг үндэслэлтэй гэж үзэн түүнийг яллагдагчаар татаж, мөрдөн шалгах ажиллагаа хийлгүүлэхээр хэргийг Цагдаагийн байгууллагад хүргүүлсэн гэв.

Дээрх хэрэгт Нийслэлийн прокурорын газраас давхар хяналт тавьж ажиллаж байгаа гэсэн мэдээллийг өглөө.

"Иргэдийн Төлөөлөгчдийн Ёс зүйн дүрэм” гэж бий. Энэ нь тухайн шатны ИТХ өөрийн шийдвэрээр баталдаг. (жишээлбэл, Улаанбаатар хотын ИТХ, аймаг, сумдын ИТХ бүр өөрийн ёс зүйн дүрэмтэй байдаг.)

Гэхдээ ерөнхий гол зарчим нь:

• Иргэдийн итгэлийг даахуйц шударга, хариуцлагатай байх
• Нийтийн ашиг сонирхлыг хувийн ашиг сонирхлоос дээгүүр тавих
• Иргэдийн санал бодлыг сонсох, төлөөлөх
• Ёс суртахуунтай, үлгэр дуурайл үзүүлэх
• Ашиг сонирхлын зөрчлөөс ангид байх