Засгийн газар, Монголын Үндэсний Худалдаа Аж Үйлдвэрийн Танхим хамтран 24 дэх жилдээ “ТОП-100” ААН-ийг тодруулан алдаршууллаа.

2024 оны "ТОП-100" аж ахуй нэгжийг "Оюу толгой" компани дахин тэргүүлэв. Цом, өргөмжлөл гардуулах ёслол Төрийн ордны ёслол, хүндэтгэлийн Баганат танхимд болов. 

2024 оны ТОП-100 ААН-ийн эрэмбэд багтсан ААН-үүдийн мэдээлэл

2024 оны Монгол улсын ТОП-100 ААН-ийн төлсөн татварын хэмжээ өмнөх оноос 1.4 их наяд төгрөгөөр өсөж 7.6 их наяд төгрөгт хүрсэн. Энэ нь татварын нийт орлогын 28 хувь болж байна. ТОП-100 ААН-ийн борлуулалт өмнөх оноос 4.5 их наяд төгрөгөөр өсөж, 54.9 их наяд хүрсэн. Энэ нь ДНБ-ий 69 хувьтай дүйж байна.

ТОП-100 ААН-ийн эрэмбэд хамгийн олон нээлттэй хувьцаат компани багтсан жил боллоо. 

Эдгээрт ажиллагсдын тоо 87.5 мянгад хүрсэн нь нийт ажлын байрны 6.5 хувьтай тэнцэж байна. 2024 оны ТОП-100 ААН-ийн эрэмбийн топ салбаруудын жагсаалтыг уул уурхай олборлолтын салбар тэргүүлж, худалдаа, боловсруулах үйлдвэрлэл, үйлчилгээ, банк санхүүгийн салбарууд удаалж байна.

2024 онд ТОП-100 ААН-ийн эрэмбэд хувьцаагаа олон нийтэд нээлттэй арилжаалдаг 14 аж ахуйн нэгж багтсан нь ТОП-100 ААН-ийн эрэмбэд хамгийн олон нээлттэй хувьцаат компани багтсан жил боллоо. 

2024 оны ТОП-100 ААН-ийн эрэмбэд гадаадын хөрөнгө оруулалттай 27 ААН багтсан. Мөн экспорт хийдэг 25 аж ахуйн нэгж багтсан, эдгээрийн тав нь уул уурхайн бус бүтээгдэхүүн экспортолдог байна.