Бидний тухай
Сурталчилгаа байршуулах
Редакцийн ёс зүй
Нууцлалын бодлого
Холбоо барих
Онцлох
Шинэ
Тренд
Буцах
43
АНУ-ын ерөнхийлөгч Дональд Трампын ойрын холбоотон, нөлөө бүхий улс төрийн идэвхтэн Чарли Кирк Юта мужийн их сургууль дээр болсон олон нийтийн арга хэмжээний үеэр буудуулж амиа алдлаа.
Энэ хэргийн талаар тодорхой бус зүйл олон байгаа ч одоогоор мэдэгдэж буй зүйлсийг хүргэе.
Юу болж өнгөрөв?
31 настай Кирк Utah Valley их сургуульд болсон арга хэмжээнд оролцож, 3000 орчим хүний өмнө үг хэлсэн. Түүнийг хүмүүсийн асуултад хариулж байх үеэр буун дуу гарсан. Кирк хүзүүн тус газраа буудуулсан ба үүнийг харсан хүмүүс үймж эхэлсэн байна.
Киркийг хувийн машинаар нь эмнэлэгт яаралтай хүргэсэн ч удалгүй түүний нас барсан болохыг ерөнхийлөгч Трамп мэдэгджээ.
Их сургуулийн орчимд байсан иргэдийг нүүлгэн шилжүүлж, гал нээсэн этгээдийг эрэн сурвалжилж эхэлсэн. Киркийн эхнэр, хоёр хүүхэд мөн тухайн газарт байсан ба эсэн мэнд гарчээ. Өөр бэртэж, гэмтсэн хүн байхгүй аж.
Албаныхны мэдээлснээр Киркийг хэн, яагаад буудсан нь тодорхойгүй байна. Хэрэг гарсны дараа хоёр хүнийг баривчилсан ч “хэрэгт холбоогүй” гэж үзсэн тул удалгүй сулласан аж.
Түүнийг үг хэлж байсан талбайн ойролцоох барилгын дээврээс буудсан байж магадгүй хэмээн холбогдох албаныхан үзэж байна. Мөн сэжигтэн “хар хувцастай” байсан гэжээ.
Чарли Кирк гэж хэн байсан бэ?
Чарли Кирк АНУ-ын хамгийн нэр хүндтэй консерватив хөдөлгөөний идэвхтэн, медиа нөлөөлөгчдийн нэг бөгөөд ерөнхийлөгч Трампын ойрын холбоотон байв.
Тэрээр Трампын тангараг өргөх ёслолд оролцож, Цагаан ордонд ч тогтмол зочилдог байжээ.
2012 онд ердөө 18 настайдаа тэрээр Turning Point USA (TPUSA) нэртэй оюутны байгууллагыг хамтран байгуулсан бөгөөд энэ нь АНУ-ын либерал хандлагатай их, дээд сургуулиудад консерватив үзлийг түгээх зорилготой байв.
Тэрээр улс даяар нээлттэй мэтгэлцээн зохион байгуулж, асуултуудад хурдтай хариулдаг “change-my-mind” хэв маягаар алдартай болсон бөгөөд буудуулах үедээ ч яг ийм маягаар асуултад хариулж байжээ.
Тэрээр буу эзэмших эрх, уур амьсгалын өөрчлөлт, шашин, гэр бүлийн үнэ цэн зэрэг сэдвээр мэтгэлцэж буй контентоо цахим сүлжээнд нийтэлдэг байсан.
Гэхдээ заримдаа маргаантай, хуйвалдааны шинжтэй үзэл суртал түгээдэг хэмээн шүүмжлэлд өртдөг байв.
Харин дэмжигчдийнхээ хувьд Кирк үг хэлэх эрх чөлөөг хамгаалагч нэгэн бөгөөд түүнийг өнгөрсөн жилийн сонгуулиар залуу сонгогчдыг Трампыг дэмжин санал өгөхөд түлхэц болсон хүн гэж үздэг.
Эх сурвалж: ВВС
АНУ-ын ерөнхийлөгч Дональд Трампын ойрын холбоотон, нөлөө бүхий улс төрийн идэвхтэн Чарли Кирк Юта мужийн их сургууль дээр болсон олон нийтийн арга хэмжээний үеэр буудуулж амиа алдлаа.
Энэ хэргийн талаар тодорхой бус зүйл олон байгаа ч одоогоор мэдэгдэж буй зүйлсийг хүргэе.
Юу болж өнгөрөв?
31 настай Кирк Utah Valley их сургуульд болсон арга хэмжээнд оролцож, 3000 орчим хүний өмнө үг хэлсэн. Түүнийг хүмүүсийн асуултад хариулж байх үеэр буун дуу гарсан. Кирк хүзүүн тус газраа буудуулсан ба үүнийг харсан хүмүүс үймж эхэлсэн байна.
Киркийг хувийн машинаар нь эмнэлэгт яаралтай хүргэсэн ч удалгүй түүний нас барсан болохыг ерөнхийлөгч Трамп мэдэгджээ.
Их сургуулийн орчимд байсан иргэдийг нүүлгэн шилжүүлж, гал нээсэн этгээдийг эрэн сурвалжилж эхэлсэн. Киркийн эхнэр, хоёр хүүхэд мөн тухайн газарт байсан ба эсэн мэнд гарчээ. Өөр бэртэж, гэмтсэн хүн байхгүй аж.
Албаныхны мэдээлснээр Киркийг хэн, яагаад буудсан нь тодорхойгүй байна. Хэрэг гарсны дараа хоёр хүнийг баривчилсан ч “хэрэгт холбоогүй” гэж үзсэн тул удалгүй сулласан аж.
Түүнийг үг хэлж байсан талбайн ойролцоох барилгын дээврээс буудсан байж магадгүй хэмээн холбогдох албаныхан үзэж байна. Мөн сэжигтэн “хар хувцастай” байсан гэжээ.
Чарли Кирк гэж хэн байсан бэ?
Чарли Кирк АНУ-ын хамгийн нэр хүндтэй консерватив хөдөлгөөний идэвхтэн, медиа нөлөөлөгчдийн нэг бөгөөд ерөнхийлөгч Трампын ойрын холбоотон байв.
Тэрээр Трампын тангараг өргөх ёслолд оролцож, Цагаан ордонд ч тогтмол зочилдог байжээ.
2012 онд ердөө 18 настайдаа тэрээр Turning Point USA (TPUSA) нэртэй оюутны байгууллагыг хамтран байгуулсан бөгөөд энэ нь АНУ-ын либерал хандлагатай их, дээд сургуулиудад консерватив үзлийг түгээх зорилготой байв.
Тэрээр улс даяар нээлттэй мэтгэлцээн зохион байгуулж, асуултуудад хурдтай хариулдаг “change-my-mind” хэв маягаар алдартай болсон бөгөөд буудуулах үедээ ч яг ийм маягаар асуултад хариулж байжээ.
Тэрээр буу эзэмших эрх, уур амьсгалын өөрчлөлт, шашин, гэр бүлийн үнэ цэн зэрэг сэдвээр мэтгэлцэж буй контентоо цахим сүлжээнд нийтэлдэг байсан.
Гэхдээ заримдаа маргаантай, хуйвалдааны шинжтэй үзэл суртал түгээдэг хэмээн шүүмжлэлд өртдөг байв.
Харин дэмжигчдийнхээ хувьд Кирк үг хэлэх эрх чөлөөг хамгаалагч нэгэн бөгөөд түүнийг өнгөрсөн жилийн сонгуулиар залуу сонгогчдыг Трампыг дэмжин санал өгөхөд түлхэц болсон хүн гэж үздэг.
Эх сурвалж: ВВС