Засгийн газрын өнөөдрийн ээлжит хуралдаанаас гарсан шийдвэрийг танилцуулж байна. 

Сангийн сайд Б.Жавхлан "Ерөнхий сайд Г.Занданшатар сайд нарт 2025 оны жилийн эцэс хүртэлх төсвийн гүйцэтгэлтэй холбоотойгоор үүрэг өглөө.

Нэгдүгээрт, 2025 оны жилийн эцэс хүртэл батлагдсан орлого бүрдүүлэлтэд онцгой анхаарах, оны эцэс хүртэл орлогодоо тааруулж, алдагдал нэмэхгүй, ач холбогдлоор нь зардлаа эрэмбэлж ажиллах, хоёрдугаарт хэмнэлтийн хуулийг нарийн чанад сахиж ажиллахад онцгойлон анхаарахыг  сайд нарт үүрэгдлээ.

Төсвийн орлого бүрдүүлж, зардлуудаа эрэмбэлэхдээ цалин, НД-ын зардал, тэтгэмж, тэтгэвэр, хүүхдийн мөнгө, салбаруудаас ОБЕГ-ын зардал, Эрүүл мэндийн салбарын зардлыг саадгүйгээр санхүүжүүлнэ. 

Цаашид хэмнэлтийн хуулийг нарийн чанд сахиж шинэ жил болон тэмдэглэлт баярыг төсвийн мөнгөөр тэмдэглэхгүй, бэлэг дурсгал худалдан авахгүй байх даалгавар өглөө.

Тэвчиж болох бүхий л зардлыг хэмнэж, цахимжуулах юм. Энэ жил Засгийн газрын 140,8 тэрбум төгрөгийн нөөц хөрөнгөөс 20 тэрбум төгрөгийн үлдэгдэл байгаа ба үүнээс өвөлжилтийн бэлтгэлд зарцуулахаар боллоо.

"Хүнсний хувьсгал", "Цагаан алт", "Эрүүл Монгол хүн" хөтөлбөрүүдээс 2026 он руу шилжүүлэх, татварт нөлөөлөхгүйгээр албадлагын арга хэмжээг шат дараатай авах, уул уурхайн салбарын хуримтлагдсан татварын өрийн хөнгөлөлт чөлөөлөлтийг зогсоох, хязгаарлахаар болсон. Эдгээр арга хэмжээнүүд ирэх 2026 оны нэгдүгээр улирал хүртэл үргэлжилнэ. 

Төсвийн тодотголыг 2,3 их наяд төгрөгөөр хийсний дараах үр дүн гарч ирсэн. Валютын нөөц 600 тэрбум ам.доллар давлаа, зээлжих зэрэглэл нэмэгдэж 12 жилийн өмнөх үе дээрээ очсон. 3650₮ хүрээд байсан ам.доллар 3544₮ болж тогтворжлоо. Он гараад нөөц буурах гэх мэт эрсдэл байхгүй. Мөн 9-р сараас эхлэн төлбөрийн тэнцэл эерэг гарч, 11-р сарын байдлаар 144 сая ам.долларын ашигтай гарч эхэлсэн. 

Цалин тэтгэвэр тэтгэмж саатсан зүйлгүй. Аль ч төрийн байгууллагад цалин тэтгэмж, хүүхдийн мөнгө, урамшуулал саатсан зүйл байхгүй. 

Төрийн сангийн үлдэгдэл 1,3 их наяд төгрөг бий. Хамгийн гол нь төрийн сангийн мөнгөн үлдэгдэл биш, тодотгол хийснээс хойш батлагдсан сангаа зарцуулах ёстой. Өөрөөр хэлбэл орлогоо давсан зарлага гаргахгүй зохицуулалттай байна. Харин ажилгүйдлийн тэтгэмжийн хоцрогдол төрийн сантай холбоогүй.

Төсвийн тодотголоор 85 мянган тонн нүүрс гаргана гэж төлөвлөсөн ч жилийн эцсээр 87 мянган тонн гарахаар байна. Гэхдээ эрчим хүчний нүүрс буюу хямд нүүрс нь их гарахаар байна" гэлээ.

Дэлгэрэнгүйг дараах видеоноос хүлээн авна уу.