УИХ-ын ээлжит чуулганаар Аж үйлдвэр, эрдэс баялгийн сайд Г.Дамдинням мэдээлэл өглөө. 

Тэрээр хэлэхдээ, газрын тосны боловсруулах үйлдвэр 2028 онд ашиглалтад орно. Ашиглалтад орсон ч өсөн нэмэгдэж байгаа хэрэглээгээ харвал 50 хувийг боловсруулах үйлдвэрээс үлдсэнийг нь гадны эх үүсвэрээс авахаар байна. Тиймээс дотоодын импортлогч компаниудынхаа хүчин чадлыг нэмэгдүүлж байж хүнд нөхцөл байдлаас гайгүй гарна.

Евроазийн худалдааны хэлэлцээрээр 2031 он хүртэл таван жилийн гэрээний хугацааг геополитикийн нөхцөл байдал тогтворжих хүртэлх олон улсын судлаачдын тооцооллоор гаргасан. Нөхцөл байдал сайжраад ирвэл хуулийг хүчингүй болгоход асуудалгүй.

Орон нутгийн шатахууны нөхцөл байдал заримдаа бэрхшээлтэй байна. Дизиль түлшний 12 хоногийн нөөцтэй, АИ-92 бинзений 10 орчим хоногийн нөөцтэй байна. ОХУ бидэнд амласан ёсоороо хангалттай нийлүүлж байгаа гэв.

Арванхоёрдугаар сард орж ирж байгаа дизель түлшний 40 хувь нь евро стандарттай. Улаанбаатар хот 2027 он гэхэд Евро-5 стандарт руу бүрэн шилжинэ. Энэ стандартын түлшний хүхрийн хүчлийн хэмжээ ердийнхөөс 2000 дахин бага байна гэлээ.