Шүүхээс Э.Тэмүүлэн, Ц.Санжаачойпэл нарт хилийн хориг тогтоогоод батлан даалтад гаргасан шүүгчийн захирамжид гомдол гаргаж, эсэргүүцэл бичсэн.

Прокурорын эсэргүүцлийн дагуу Дүүргийн эрүү, иргэний хялбар ажиллагааны шүүхийн дээд шатны шүүх өнөөдөр 16.00 цагт хуралдахаар товлогджээ. 

Шүүх хурал эхний шийдвэрээ гаргасан бөгөөд шүүгч Б.Билгүүний гаргасан захирамжид бичсэн прокурорын эсэргүүцлийг хүлээн авч, Эрдэнэбатын Тэмүүлэнг 30 хоног цагдан хорихоор боллоо. 

Шүүх хурал үргэлжлүүлэн Ц.Санжаачойпэл, Л.Алтан-Очир нарын асуудлыг хэлэлцэж шийдвэрээ гаргах юм байна.  

18.00 цаг. Л.Алтан-Очир, Ц.Санжаачойпэл нарыг тус тус 30 хоног цагдан хорих шийдвэр гаргалаа.