#CS2 Wildcard-ын Inferno-д 3-9 харьцаагаар хожигдол эхэлсэн ч хоёр удаа нэмэлт үе сунгаж хожлоо. 1,250,000 ам.долларын шагналын сантай "PGL Cluj-Napoca 2025" тэмцээнийг хоёр хожилтой тэргүүлж байна.

PGL-ээс зохиож буй CS2-ын 1,250,000 ам.долларын шагналын сантай "PGL Cluj-Napoca 2025" тэмцээн хоёрдугаар сарын Румын улсын Бухарест хотод эхэллээ.

Дэлхийн чансааны 3-т бичигдэж буй байраар тэмцээнд шууд уригдсан Монголын "The MongolZ" өнөөдөр хоёр дахь тоглолтоо Хойд Америкийн "Wildcard" багтай хийж 2-0 (Inferno 19-16, Ancient 13-10) харьцаагаар хожлоо.

Тоглолтод багийн ахлагч Бямбасүрэнгийн "bLitz" Гарьдмагнай +5 frag, 93.8 ADR (Average Damage per Round)-тай багаа тэргүүлэв.

Баянбатын "maaRaa" Эрдэнэдалайгийн удирдсан баг маргааш playoffs-т шалгарахын төлөө 16:00 цагаас хойш тоглоно.

• The MongolZ-ын эхний хожил хэцүү байсангүй
• The MongolZ-ыг хожсон Vitality Катовицед аваргаллаа
• The MongolZ-ын Катовице дэх түүхэн амжилтыг дэлхийн аваргууд зогсоолоо

Тэмцээнд дэлхийн аварга "Natus Vincere", "Spirit", "Vitality" болон "G2", "Liquid", "FURIA", "GamerLegion" зэрэг шилдгүүд оролцохгүй өнжиж байгаа бол "FaZe Clan", "MOUZ" зэрэг томчууд тоглож байна.

Тэмцээний хэсгийн шат швейцар системээр болох ба хамгийн түрүүлж гурав хожсон найман баг playoffs шатанд шалгарна. Финалын тоглолтоос бусад бүх тоглолт Bo3 журмаар болно.

Ялагч нь 400,000 ам.доллар авах бол ердөө оролцсоныхоо төлөө 12,500 ам.долларыг халааслах уг тэмцээнд монгол дасгалжуулагчтай Австралийн "FlyQuest" баг мөн оролцож байгаа билээ.

Тэд өнөөдөр хоёр Германы "BIG" багт хожигдсоноор хоёр хожигдолтой болж хасагдах шатны тоглолт хийхээр болоод байна.