Монголын шигшээ баг түүхэндээ анх удаа Азийн аваргын урьдчилсан шатанд тэнцэн шалгарч, тивийнхээ шилдгүүдтэй хүч үзэж байгаа билээ. Энэхүү тэмцээний хамгийн чухал тоглолтуудын нэг болох Монгол, Японы 2025 оны 2-р сарын 23-ны өдрийн тоглолтын олон улсын дамжуулалтыг ДДЭШ хариуцан ажиллажээ.

Тус дамжуулалтыг олон улсад SNG буюу Satellite News Gathering гэж нэрлэдэг бөгөөд дэлхийн хаана ч байсан яг цаг хугацаанд нь хиймэл дагуул ашиглан улс төрийн айлчлал, спортын арга хэмжээ, шуурхай мэдээ, соёл урлагийн концертуудыг түгээмэл дамжуулдаг байна.

Монгол улсад энэхүү дамжуулалтыг ДДЭШ хийдэг бөгөөд өмнө нь Ромын Папын айлчлал, Сагсан бөмбөгийн Азийн аварга шалгаруулах урьдчилсан шатны Монгол-Гуам тоглолт, улс төрийн томоохон айлчлалуудыг Хятад, Япон, Хонгконг гэх мэт олон улсууд руу дамжуулж байсан туршлагатай.

Хиймэл дагуулаар шууд дамжуулах нь бусад дамжуулалтаас илүү найдвартай, чанартай, хүртээмжтэйн дээр сүлжээний ачаалал, цахим халдлага, зэрэг асуудлуудаас сэргийлдэг учир олон улсын чухал уулзалт, спортын тоглолтуудыг заавал хиймэл дагуулаар дамжуулах шаардлагыг тавьдаг байна. ДДЭШ компанийн хувьд тэдгээр шаардлагуудыг бүрэн хангадаг бөгөөд хиймэл дагуулын үйлчилгээ эрхэлдэг, газрын станцтай байгууллагуудын нэгдэл болох World Teleport Association (WTA)-ны Монголоос цор ганц албан ёсны гишүүн аж.