Шинэ УИХ-ын өнөөдрийн /2024.07.05/ чуулганаар хэлэлцэх асуудлын тов, дарааллыг танилцуулж байна.

1.Улсын Их Хуралд нам, эвслийн бүлэг байгуулагдсан тухай мэдээлэл
2.Улсын Их Хурлын дэд даргыг сонгох тухай
3.Байнгын хорооны бүрэлдэхүүнийг батлах тухай асуудал
4.Дэд хорооны бүрэлдэхүүнийг батлах тухай асуудал
5.Байнгын хорооны даргыг сонгох тухай асуудал
6.Монгол Улсын Ерөнхий сайдыг томилох тухай асуудлыг хэлэлцэхээр баталжээ.  

УИХ-ын сонгуульд ялсан намын дарга Л.Оюун-Эрдэнийг Ерөнхий сайдаар улираан сонгоно. Ерөнхий сайд парламентад суудалтай бусад намд хамтарсан Засгийн газар байгуулах хүсэлтээ албан ёсоор тавьсан бөгөөд АН-ын Улс төрийн зөвлөлийн  хурал өчигдөр болж, хамтарсан Засгийн газарт орж ажиллах шийдвэр гаргасан юм. 
 

УИХ дахь МАН-ын бүлгээс УИХ-ын дэд даргаар Х.Булгантуяаг, УИХ дахь АН-ын бүлгээс УИХ-ын дэд даргаар Б.Пүрэвдоржийг нэр дэвшүүлснийг гишүүдийн олонх дэмжлээ. 

УИХ-ын дэд даргад нэр дэвшүүлсэн Х.Булгантуяа, Б.Пүрэвдорж нарыг хуралдаанд оролцсон 110 гишүүн 100 хувь дэмжсэн тул УИХ-ын тогтоолын төслийг батлав.  

УИХ-ын дэд дарга нарыг томилсны дараа гурав дахь асуудал болох Байнгын хорооны бүрэлдэхүүнийг батлах тухай асуудлыг хэлэлцэх болоход АН-ын бүлгийн дарга О.Цогтгэрэл, "АН-аас олон шинэ гишүүд сонгогдсон тул гишүүдээ бүлгүүдэд хуваарилахтай холбоотой асуудлыг нэгтгэх шаардлагатай байна. Иймд 20 минутын завсарлага өгнө үү" гэсэн хүсэлт тавьсны дагуу УИХ-ын дарга завсарлага өгч, алх цохив. 

Чуулганы нэгдсэн хуралдаан 11.00 цагаас үргэлжилнэ.