Монгол Улсын тэргүүний нөхөн сэргээлтийн байгууллага Жинжий Майнинг ХХК нь Канад Улсын Торонто хотод зохион байгуулагдаж байгаа PDAC-2025 арга хэмжээнд 2 дахь жилдээ оролцож байна.

Тус арга хэмжээнд Жинжий Майнинг ХХК нь Канад Улсын нөхөн сэргээлт уурхай хаалтын үйл ажиллагаа явуулдаг Environmental & Geotechnical LTD, мод тарих үйл явцыг дрон болон үрт бөмбөлөг ашиглан автоматжуулсан Flash Forest LLC-тай, эрсдлийн үнэлгээ зөвлөгөөний үйлчилгээ үзүүлдэг Nortern Alberta Institute of Technology байгуулагатай харилцан туршлага солилцож хамтран ажиллах санамж бичиг зурлаа.

Жинжий Майнинг ХХК нь Монгол Улсын Засгийн газрын “Эвдэрсэн газрын нөхөн сэргээлт” мөрийн хөтөлбөрийн хүрээнд БОУАӨЯ-ны захиалгаар “Эрдэнэт Үйлдвэр” ТӨҮГ-ын санхүүжилтээр 2023 онд Сэлэнгэ аймгийн Ерөө сумын нутаг Харганат ам болон Могойн голын аманд 800.7 га, 2024 онд Нарийны аманд 777.6 га талбайд техникийн нөхөн сэргээлтийг хийж гүйцэтгэн орон нутагт нь хүлээлгэн өгсөн туршлагатай компани юм.

Тус санамж бичгийн хүрээнд Жинжий Майнинг ХХК нь Монгол Улсад газрын хэвлийн нөхөн сэргээлт болон ойжуулалтыг шинэ түвшинд хүргэж олон улсад хүлээн зөвшөөрөгдсөн стандартыг хэрэгжүүлэх ажлыг анхлан санаачлан хэрэгжүүлж эхэлж байна.