МАН-ын Удирдах зөвлөл өнөөдөр хуралдаж намын дарга, УИХ-ын дарга, Я.Содбаатар дарга нарын бүрэлдэхүүнтэй ажлын хэсэг байгуулжээ. Тус ажлын хэсэг нь шинэ Засгийн газрыг байгуулах асуудлаар бусад нам эвслүүдтэй зөвшилцөх, санал солилцох зорилготой ажиллах гэнэ. 

Энэ талаар МАН-ын нарийн бичгийн дарга Н.Энхбаатар, МАН-ын мөрийн хөтөлбөрт тусгагдсан томоохон зорилтууд бий. Тухайлбал баялгийн сан, орон сууцжуулах хөтөлбөр, авлигатай тэмцэх үйл ажиллагаа, хүний эрхийг хангах, хөдөөгийн хөгжил, бүсчилсэн хөгжлийг дэмжих гэх мэтчилэн асуудлыг хэрэгжүүлэхдээ бусад намтай санал солилцох чиглэлийг ажлын хэсэгт өгсөн.

Ингэснээр шинэ Засгийн газрын бүтэц бүрэлдэхүүн, мөрийн хөтөлбөрийг боловсруулах асуудлаар бусад нам эвсэлтэй зөвшилцөх асуудлыг өнөөдрөөс эхлүүлж байна. Наадмаас өмнө шинэ Засгийн газрыг байгуулахаар төлөвлөж байна. Мөн бусад намын мөрийн хөтөлбөртөө тусгасан заалтуудад хамтарч ажиллах боломжтой эсэхийг судалж эхэлнэ гэсэн юм.