Аялал жуулчлалыг дэмжих, дотоод гадаадын жуулчдын тав тухыг хангах зорилгоор ирэх онд дараах төслүүдийг хэрэгжүүлнэ.

• Алтай таван богд руу авто зам тавих
• Буйр нуурт 4С ангиллын онгоцны буудал барих
• Налайх-Тэрэлж авто замын өргөтгөл

Олон улсын иргэний нисэхийн байгууллагын өмнө хүлээсэн үүргийнхээ дагуу манай улсын нутаг дээгүүр дамжин өнгөрдөг маршрутын дагуу 4С зэрэглэлийн олон улсын нисэх онгоцны буудлыг (Дорнод, Ховд, Улаангомын нисэх буудлуудыг) 4С ангилалд хамруулах шийдвэрийг Зам тээврийн хөгжлийн яам 2022 онд гаргасан. Гэвч ажил хэрэг болоогүй юм.   

Буйр нуур Дорнод аймгийн Халхгол сумын нутаг дэвсгэрт оршдог, зүүн Монгол-Өвөр Монголын зааг дээр орших цэнгэг уст нуур. Зэргэлдээ орших Хөлөн буюу Далай нууртай хамт Хөлөн-Буйрын экологийн бүс нутагт хамрагдана. Тус нуурыг 2004 онд Рамсарын конвенцод олон улсын ач холбогдол бүхий ус намгархаг газрын жагсаалтад бүртгэжээ.

Нийслэлчүүд Буйр нуур руу Сүхбаатар эсвэл Дорнод аймгаар дайран, авто замаар зорчдог. УБ-Чойбалсан-Мэнэнгийн тал-Буйр нуур гэсэн маршрутаар зорчдог. Энэ нь нэг талдаа 2-3 өдөр шаардах, урт аялал болдог байна.