Монгол Улсын нийгэм, эдийн засгийн 2024 оны эхний хагас жилийн үзүүлэлтүүдийг ҮСХ-ны Хөдөө аж ахуй, байгаль орчин, үйлдвэрлэлийн статистикийн хэлтсийн дарга Э.Мягмарханд танилцуулж байна.

Эх сурвалж: ҮСХ

НДЕГ-ын шимтгэл төлөлтийн тайланд тусгасан 2024 оны эхний хагас жилийн үзүүлэлтээс гаргадаг.

Нийт 50,2 мянган ААН, байгууллагын 753,4 мянган ажилтнаас тооцжээ.

Нэг ажилтанд ногдох сарын дундаж цалин 2,3 сая төгрөг болсон нь өмнөх оны мөн үеэс 24,7 хувиар буюу 452,9 мянган төгрөгөөр нэмэгдсэн бол өмнө улирлаас 43.3 мянган төгрөгөөр нэмэгджээ. Голч цалин 1,8 сая төгрөг.

Ажиллагчдын сарын дундаж нэрлэсэн цалингийн индекс 87,1 хувиар өссөн хэдий ч худалдан авах чадварыг илэрхийлэх бодит цалингийн индекс 32,4 хувиар нэмэгджээ.

Салбараар авч үзвэл, уул уурхайн олборлолтынх дунджаар 5,6 сая төгрөгийн цалинтай байгаа бол зочид буудал, хоолны үйлчилгээнийх 1,3 сая төгрөг байна.

Инфляц 2024 оны эхний хагас жилд хэрэглээний бараа, үйлчилгээний үнэ 5,1 хувиар өссөн байгаа нь өмнөх оны мөн үеэс 5,5 хувиар буурсан байна. Нийслэлд инфляц 4,8 хувь байгаа нь өмнөх сараас 0,4 хувиар өссөн үзүүлэлтэй.