Төмөр замын ачаа тээврийг сайжруулахаар Японоос 1.5 тэрбум иений тусламж үзүүлнэ

Онцлох

Шинэ

Тренд

Буцах

Төмөр замын ачаа тээврийг сайжруулахаар Японоос 1.5 тэрбум иений тусламж үзүүлнэ

Л.Амарцэцэг

Нийгэм

2024-10-04

Л.Амарцэцэг

2024-10-04

Төмөр замын ачаа тээврийг сайжруулахаар Японоос 1.5 тэрбум иений тусламж үзүүлнэ

Япон Улсын Засгийн газрын буцалтгүй тусламжаар хэрэгжих “Төмөр замын ачаа тээврийг сайжруулах төсөл” болон “Чингис хаан Үндэсний музейд сургалтын тоног төхөөрөмж нийлүүлэх төсөл”-ийн солилцох ноот бичигт Элчин сайд М.Игавахара болон Сангийн сайд Б.Жавхлан нар гарын үсэг зурав.

Тус тусламжаар “Төмөр замын ачаа тээврийг сайжруулах төсөл” нь 1 тэрбум 560 сая иенээр хэрэгжих бөгөөд Замын-Үүдийн шилжүүлэн ачих хоёр дугаар байгууламжийн үйл ажиллагааг сайжруулах зорилгоор ачаа зөөх тавцанг нэмэлтээр барих болон контейнер өргөгч зэрэг тоног төхөөрөмжийг нийлүүлэх аж.

Мөн Замын-Үүдээс Улаанбаатар чиглэлийн төмөр замын огцом эргэлтэт хэсгүүдийн зам төмөр болон төмөр замын дэрний бэхэлгээ зэргийг нийлүүлэх бөгөөд үүний үр дүнд шилжүүлэн ачих хүчин чадал нэмэгдэж, ачаа тээвэрлэлтийн аюулгүй байдал сайжрах юм. Энэхүү төслийг Монгол Улсаас Зам, тээврийн яам хариуцахаар болжээ.

"Чингис хаан Үндэсний музейд сургалтын тоног төхөөрөмж нийлүүлэх төсөл” нь 97.5 сая иений соёлын буцалтгүй тусламжаар хэрэгжих бөгөөд уг төслөөр хөгжлийн бэрхшээлтэй иргэд, хөдөө орон нутгийн алслагдсан бүсийн хүүхэд залуучууд болон насанд хүрэгчдэд зориулан музейн үзүүлэнгийн талаарх мэдлэг олгох болон музейн хэрэглээг сайжруулах тоног төхөөрөмжийг олгох болно.

Үүнд хөгжлийн бэрхшээлтэй иргэдэд зориулж headpointer, цахилгаан тэргэнцэр болон брайль хэвлэгч машин, зайн сургалтад зориулж 360 градус эргэдэг камерын багц, 3D камерын багц, VR төхөөрөмж, шууд дамжуулах камер зэрэг тоног төхөөрөмжүүд багтана. Уг төслийг ЖАЙКА байгууллага хэрэгжүүлэх бөгөөд Монгол Улсаас Соёл, спорт, аялал жуулчлал, залуучуудын яам хариуцах аж.