УОК-ын дарга, Шадар сайд С.Амарсайхан Монголын Улаан загалмайн нийгэмлэгийн үйл ажиллагаатай танилцлаа.

Монголын Улаан загалмай нийгэмлэгийн Ерөнхий нарийн бичгийн дарга Н.Болормаа:
"Гамшигт өртсөн айл өрх, иргэдэд хөдөлмөрийн хөлсний доод хэмжээ буюу 240 мянган төгрөгийг шууд олгодог байсан. Судалгааны байгууллагатай хамтарч тусламжийн мөнгөн дүнг нэмэх шаардлагатайг үндэслэн энэ оны 6-7-р сарын үерт өртсөн 1000 гаруй айл өрхөд тус бүр 370 мянган төгрөгийн тусламж олгож байна.  Харин нийслэлийн айл өрхөд 250 мянган төгрөг гэж тогтоосон.

Хөл хориотой байсан ч 5-10 хүнд сургалтаа тогтмол зохион байгуулж байна. Учир нь хүмүүнлэгийн үйлс хэзээ ч зогсож болдоггүй

Улаан загалмай нийгэмлэг нь хүмүүнлэгийн үйлсэд олон нийт, ААН-ийг чиглүүлэх, хэрэгтэй үед эмзэг бүлгийн иргэдэд шуурхай туслах зорилготой. Тус нийгэмлэг нь ард иргэд тэр дундаа хүүхдүүдийг хүмүүнлэгийн боловсрол, гамшгийн мэдлэг боловсролтой байхад нь анхаарч байна. Тус олон улсын нийгэмлэг нь сүүлийн 6-7 жилд хүний нөөцийг маш сайн хөгжүүлж байгаа. Хөл хориотой байсан ч 5-10 хүнд сургалтаа тогтмол зохион байгуулж байна. Учир нь хүмүүнлэгийн үйлс хэзээ ч зогсож болдоггүй" гэсэн юм.

Тэрээр Шадар сайдад байгууллагынхаа үйл ажиллагааг танилцуулахын сацуу улаан загалмай нийгэмлэгийн музей, иргэдэд олгодог тусламжийн багц зэргийг танилцуулсан юм.

Дэлхийн 1-р дайны үед Улаан загалмай нийгэмлэг үүссэн гэж үздэг. Дайны улмаас шархадсан цэргүүд тусламж авч чадалгүй эндэж байгааг харсан нэгэн идэвхтэн дайсан эсэх нь үл хамааран хэцүү нөхцөлд байгаа хүнд хүмүүнлэгийн тусламж үзүүлэх, үүнд чиглэсэн олон улсын байгууллага хэрэгтэй юм байна гэдгийг анх санаачилж, нийгэмлэгийг байгуулах ажлыг эхлүүлжээ. Монгол Улс нь Улаан загалмай нийгэмлэгийн 84 дэх гишүүн орон болж байсан түүхтэй.

УОК-ын дарга, Шадар сайд С.Амарсайхан:
Улс орны хэмжээний гамшиг, цар тахал, ослын үед төрийн үйл ажиллагаанд туслалцаа үзүүлдэг байгууллага бол Улаан загалмай нийгэмлэг. УОК-ын үйл ажиллагаа нь зөвхөн цар тахлын эсрэг биш бүх төрлийн гамшиг, аюул ослыг хамруулдаг. Энэ сайн дурын байгууллага нь ялангуяа цар тахлын үед хүний нөөц дутмаг цагт сайн дурын ажилтнуудын тусламжтайгаар хүмүүнлэгийн үйл ажиллагааг хэрэгжүүлж буй нь сайшаалтай. Ялангуяа залуу үеийнхэн ихтэй манай улсын хувьд үндэсний хэмжээнд хүмүүнлэгийн мэдлэг боловсролтой иргэдийн суурь тавигдана гэж үзэж байна.

УОК-ын дэргэд Үндэсний гамшгийн судалгааны хүрээлэнг хөгжүүлж байгаа ба хүний нөөц, ажилтнуудын чадавхыг дээшлүүлэхэд Улаан загалмай нийгэмлэг төдийгүй олон улсын байгууллагуудын оролцоо маш чухал юм.