Эрүүл мэндийн яамнаас коронавируст халдварын талаарх мэдээллийг хүргэж байна.
Эрүүл мэндийн сайдын зөвлөх О.Батбаяр:
- Сүүлийн 24 цагийн хугацаанд халдварын 2010 тохиолдол бүртгэж, гурван хүн нас барлаа. Шинээр батлагдсан тохиолдлуудын 1454 нь Улаанбаатарт, 531 нь орон нутагт бүртгэгдсэн бол 25 нь зөөвөрлөгдөн иржээ.
Дэлхий даяар сүүлийн нэг сард генийн шинжилгээ хийхэд 59 хувь нь омикрон хувилбар байгаа бол манай улсад 70 гаруй хувь нь омикрон байна хэмээн ХӨСҮТ-ээс мэдээллээ. Дельта хувилбарын давлагааны үед манай эмнэлгүүдэд 22 мянга оронд өвчтөн хэвтэж, маш хүнд 300 орчим хүн байсан бол одоо 5300 өвчтөн байгаагаас 35 хүний биеийн байдал маш хүнд байна. Тэдний дийлэнх нь вакциндаа бүрэн хамрагдаагүй байгаа юм. Вакцины хамрагдалт, өвчилсөн хүний тоо, вакцины нэмэлт тунд хамрагдсан хүмүүсийн тоо өндөр байгаа нь харьцангуй хөнгөн тусаж байна.
/Дараах постер дээр дарвал томорч харагдана/
ХӨСҮТ-ийн Ерөнхий захирал Ц.Билэгтсайхан:
- Зөөвөрлөгдсөн тохиолдлууд батлагдаж, дотоодын халдвар нэмэгдэж тэр дундаа омикрон хувилбар ихсэж буй цаг мөчид хариу арга хэмжээгээ өөрчилж байна. ДЭМБ-аас өгч буй удирдамж, ЭМЯ, УОК-оос гаргаж байгаа тушаал шийдвэрүүд нь цаг үеийн нөхцөл байдалтайгаа уялдан өөрчлөгдсөн. Өмнө нь бид хилийн тандалтын хариу арга хэмжээг авч байсан бол одоо үүнийг өөрчилж тандалт сэргийлэлтийн чиглэлийн хариу арга хэмжээг илүүтэй авах, нэмэлт тунгийн хамрагдалтыг нэмэгдүүлэх, нийтэд чиглэсэн, хилийн тандалт эрсдэлд суурилсан хариу арга хэмжээг авах юм.
Засгийн газар, ЭМЯ, УОК-ын хуралдаанаас гаргасан тушаал шийдвэрийн дагуу хилийн тандалт, тусгаарлан ажиглах байрны тандах үйл ажиллагааг зогсоосон. Одоо илүүтэйгээр дотоодын халдвар, эрсдэл бүхий хүн ам, голомтлон тархаахгүй байхад анхаарлаа хандуулж байна. Үүнтэй уялдаж Эрүүл мэндийн сайдын тушаал өөрчлөгдөж байгаа ба шинэ хувилбарын нууц хугацаа, тархах чадварыг үндэслэн өвдөх эрсдэлтэй бүлгийг шинэчлэн тогтоох, сэжигтэй хавьтлын тохиолдол, хөл хорионд байх хугацааг шинэчилж байна.
Магадлалын хувьд шинэ хувилбар маш өндөр эрсдэлтэй байна хэмээн үнэлгээний дүн гарсан. Энэхүү үнэлгээг үндэслэн цаашид авч хэрэгжүүлэх хариу арга хэмжээгээ тодорхойлно.
Эрүүл мэндийн яамнаас коронавируст халдварын талаарх мэдээллийг хүргэж байна.
Эрүүл мэндийн сайдын зөвлөх О.Батбаяр:
- Сүүлийн 24 цагийн хугацаанд халдварын 2010 тохиолдол бүртгэж, гурван хүн нас барлаа. Шинээр батлагдсан тохиолдлуудын 1454 нь Улаанбаатарт, 531 нь орон нутагт бүртгэгдсэн бол 25 нь зөөвөрлөгдөн иржээ.
Дэлхий даяар сүүлийн нэг сард генийн шинжилгээ хийхэд 59 хувь нь омикрон хувилбар байгаа бол манай улсад 70 гаруй хувь нь омикрон байна хэмээн ХӨСҮТ-ээс мэдээллээ. Дельта хувилбарын давлагааны үед манай эмнэлгүүдэд 22 мянга оронд өвчтөн хэвтэж, маш хүнд 300 орчим хүн байсан бол одоо 5300 өвчтөн байгаагаас 35 хүний биеийн байдал маш хүнд байна. Тэдний дийлэнх нь вакциндаа бүрэн хамрагдаагүй байгаа юм. Вакцины хамрагдалт, өвчилсөн хүний тоо, вакцины нэмэлт тунд хамрагдсан хүмүүсийн тоо өндөр байгаа нь харьцангуй хөнгөн тусаж байна.
/Дараах постер дээр дарвал томорч харагдана/
ХӨСҮТ-ийн Ерөнхий захирал Ц.Билэгтсайхан:
- Зөөвөрлөгдсөн тохиолдлууд батлагдаж, дотоодын халдвар нэмэгдэж тэр дундаа омикрон хувилбар ихсэж буй цаг мөчид хариу арга хэмжээгээ өөрчилж байна. ДЭМБ-аас өгч буй удирдамж, ЭМЯ, УОК-оос гаргаж байгаа тушаал шийдвэрүүд нь цаг үеийн нөхцөл байдалтайгаа уялдан өөрчлөгдсөн. Өмнө нь бид хилийн тандалтын хариу арга хэмжээг авч байсан бол одоо үүнийг өөрчилж тандалт сэргийлэлтийн чиглэлийн хариу арга хэмжээг илүүтэй авах, нэмэлт тунгийн хамрагдалтыг нэмэгдүүлэх, нийтэд чиглэсэн, хилийн тандалт эрсдэлд суурилсан хариу арга хэмжээг авах юм.
Засгийн газар, ЭМЯ, УОК-ын хуралдаанаас гаргасан тушаал шийдвэрийн дагуу хилийн тандалт, тусгаарлан ажиглах байрны тандах үйл ажиллагааг зогсоосон. Одоо илүүтэйгээр дотоодын халдвар, эрсдэл бүхий хүн ам, голомтлон тархаахгүй байхад анхаарлаа хандуулж байна. Үүнтэй уялдаж Эрүүл мэндийн сайдын тушаал өөрчлөгдөж байгаа ба шинэ хувилбарын нууц хугацаа, тархах чадварыг үндэслэн өвдөх эрсдэлтэй бүлгийг шинэчлэн тогтоох, сэжигтэй хавьтлын тохиолдол, хөл хорионд байх хугацааг шинэчилж байна.
Магадлалын хувьд шинэ хувилбар маш өндөр эрсдэлтэй байна хэмээн үнэлгээний дүн гарсан. Энэхүү үнэлгээг үндэслэн цаашид авч хэрэгжүүлэх хариу арга хэмжээгээ тодорхойлно.