• Азийн хөл бөмбөгийн аварга шалгаруулах тэмцээн үргэлжилж байна.
• E, F хэсгийн сүүлийн тоглолтууд өнгөрсөн шөнө боллоо.
• Өмнөд Солонгос Малайзтай тэнцсэнээр хэсгийн 2-р байрыг эзэлсэн бол Бахрейн Йорданыг хожиж хэсгээ тэргүүлэв.

Азийн хөл бөмбөгийн холбооноос зохиодог Азийн аварга шалгаруулах тэмцээний хэсгийн шатны сүүлийн тойргийн тоглолтууд дууслаа.

Өнгөрсөн шөнө "E" хэсгийг тэргүүлнэ хэмээн таамаглаж байсан Өмнөд Солонгосчууд Малайзын шигшээ багтай 3-3 харьцаагаар тэнцэж хэсгийн 2-р байрт 5 оноотой жагсав. Учир нь Солонгост хожигдоод байсан Бахрейны шигшээ баг сүүлийн тойрогт хэсгийг тэргүүлж байсан Йорданы шигшээ багийг хожсоноор 6 оноотой болж хэсгээ тэргүүллээ.

• Азийн АШТ: D хэсгийг Япон биш Ирак тэргүүллээ
• Палестины шигшээ баг Азийн АШТ-д анх удаа хожиж хэсгээсээ гарлаа
• Азийн АШТ: Тажикистан нэмэлт цагт Ливаныг хожиж хэсгээс гарлаа

4 оноотой хэдий хожигдсон ч хэсгийн 3-р байраар хасагдах шатанд шалгарав. Харин 1 оноотой Малайзын шигшээ баг тэмцээнээ дуусгалаа.

Тэгвэл "F" хэсгийг тэргүүлэгч Саудын Араб, Тайландын шигшээ багууд гоолгүй тэнцсэнээр хэсгээ тэргүүлсэн хэвээр өндөрлөв. Харин Киргизтэй 1-1 харьцаагаар тэнцсэн Оманчууд тэмцээнээс хасагдлаа.

Азийн АШТ-ий хасагдах шат буюу шигшээ 16 шатны тоглолтууд энэ сарын 28-д эхэлнэ. Одоогоор Иракийн шигшээ багийн довтлогч Аймен Хуссейн 5 гоолтойгоор Азийн аваргын мэргэн буучдын жагсаалтыг тэргүүлж байгаа бол Катарын Акрам Афиф, Японы Аяасэ Үэда, Солонгосын Ли Кан-Ин нар 3 гоолтой удаалж байна.