БНХАУ-ын Чиндао хотод зохиогдож буй “Чиндао гран при” тэмцээний хоёр дахь өдөр Л.Энхрийлэн -63кг /жин/-д өрсөлдөн, Өмнөд Солонгос, Ардчилсан Солонгос, Словени улсын бөхчүүдийг ялжээ.

Эхний тойрогт Өмнөд Солонгосын тамирчин Шин Чаевоноос үндсэн цагт наах мэхээр юүко үнэлгээ аван цагийн төгсгөлд гарт өчих мэхээр цэвэр ялалт, хоёрдугаар тойрогт Словени улсын Кай Казерыг нэмэлт цагт жийх мэхээр юүко үнэлгээ аван тус тус ялсан байна. 

Тэрээр аваргын алтан медалийн төлөө шалгарч, финалд Франц улсын тамирчин Монан Декетертэй барилдан дийлджээ. Л.Энхрийлэн мөнгөн медалийн болзол хангав. Энэ нь гран при ангиллаас хүртэж буй хоёр дах медаль боллоо гэж Монголын жүдо бөхийн холбооноос мэдээлэв. 

Өнөөдөр О.Цэцэнцэнгэл, А.Адъяасүрэн нар Чиндао гран при тэмцээний хүрэл медалийн төлөө 17.00 цагт барилдана.