Оюутолгой сонсголын үеэр УИХ-ын гишүүн Э.Болормаа хэлэхдээ, яагаад гурван өдрийн сонсголд Рио Тинто компаниас хүн ирсэнгүй вэ? Өнгөрсөн долоо хоногт Рио Тинто компанийн Бодлогын зөвлөлийн дарга Х.Амаржаргал Ерөнхий сайдын бодлогын зөвлөлийн хуралд оролцоод явж байсан.

Энэ долоо хоног зугтаад гадагшаа явсан байна. Х.Амаржаргал байтугай гадаад захирлууд нь ч сонсголд ирэх ёстой. Монгол улсын парламентыг үл хүндэтгэлээ. 

Ах нар маань хоорондоо хэрэлдэж, маргалдалгүй яахав. Алдаа оноотой ч Монголын талын ах нар маань юм даа. Рио Тинтогийн алдаа бол Монголын алдаа болж үлдэнэ.  Цаг хугацааг ухрааж болохгүй учир бид гэрээгээ засахын тулд хүчээ нэгтгэнэ, эргэлзэх хэрэггүй. 

Рио Тинто компани Монголчуудын тарихыг угааж, хагаралдуулсан нь баримтаар нотлогдсон. Хавар Рио Тинтогийн PR хариуцсан захирал, менежрүүд болох Э.Хонгорзул, Б.Дашням нар Засгийн газрыг огцруулах жагсаалыг дэмжиж, зохион байгуулалтад сошилаар оролцсон. Би баримттай  зүйл ярьж байгаа гэв.

"Оюу Толгой" ХХК-ийн Гүйцэтгэх захирал С.Мөнхсүх: Оюу Толгой, Рио Тинто компани төр засгийг унагаах жагсаалд оролцож, нөлөөлсөн гэх таны үгийг няцаамаар байна. Миний энэ компанид ажилласан түүхэнд хэзээ ч тийм зүйл байгаагүй гэлээ.