УИХ-ын чуулганаар “Засгийн газарт чиглэл өгөх тухай” Улсын Их Хурлын тогтоолын төслийг хэлэлцэж буй. 

УИХ-ын гишүүн Н.Наранбаатар:
Бид сүүлийн нэг жилийн дотор хэдэн ч удаа төсвийн тодотгол яриад байна вэ. Нүүрсний үнэ өсөхөөр бид тодотгол хийж, яам, сайд нарын тоог өсгөж, бүтцээ нэмдэг. Нүүрсний үнэ буурахаар бусаад төсвөө хасаад, албан хаагчдаа цөөлж цомхотгодог ийм байдлаар нүүрсэн дээр суурилсан эдийн засагтай явж байна. Уг нь нүүрснээс олсон орлогоороо аялал жуучлалаа, хөдөө аж ахуйн салбараа өөд нь татаад хүнд үед нөхөх салбартай байх ёстой байсан юм. Арьс шир боловсруулах үйлдвэр, жуулчны ариун цэврийн байгууламжаас эхлээд тохижилтыг хийх ёстой байсан. Гэтэл эдгээрийг хийж чадаагүйгээс болоод тодотгол хийхээс өөр аргагүй болж байна.