Технологийн шилжилт хурдацтай өрнөж буй өнөө үед байгууллагууд зөвхөн интернэт үйлчилгээ бус мэдээллийн аюулгүй байдал, өгөгдөл хадгалах дэд бүтэц, үүлэн технологийн шийдэл, хэрэглэгчийн баталгаажуулалтын системийг цогцоор нь шаарддаг болсон. Мобинет ХХК уг хэрэгцээнд тулгуурлан байгууллагын мэдээллийн технологийн экосистемийг бүрдүүлэх хэд хэдэн бүтээгдэхүүн, үйлчилгээг нэгтгэн санал болгож байна.

БАЙГУУЛЛАГЫН МЭДЭЭЛЛИЙН ДЭД БҮТЦИЙГ НАЙДВАРТАЙ ОРЧИНД БАЙРШУУЛАХ БОЛОМЖ

Дата төв (Data Center)

Мобинетийн дата төвийн үйлчилгээ нь байгууллагын сервер, мэдээллийн дэд бүтцийг найдвартай орчинд байршуулах боломж олгодог. Серверүүдийг интернэтийн нөөц гарц, 24 цагийн тасралтгүй цахилгаан хангамж, агааржуулалт, хамгаалалтын цогц систем бүхий олон улсын стандартын шаардлага хангасан орчинд байршуулдаг нь ач холбогдолтой.

Энэхүү үйлчилгээг авснаар байгууллагын мэдээллийг Монгол Улсад хадгалах боломжтой болох, дотоод сүлжээний холболт хурдсаж, сүлжээ хоцролт (Low Latency) багасах, монгол хэл дээрх техникийн шуурхай дэмжлэг авах боломж, хууль, зохицуулалтын шаардлагад нийцсэн үйлчилгээ авах, бизнесийн үйл ажиллагааны тасралтгүй байдлыг хангах найдвартай хангамжаар хангагдах зэрэг олон давуу тал бий. 

Үйлчилгээг хэн авах боломжтой вэ?

• Банк, санхүүгийн байгууллага,
• ERP, CRM болон байгууллагын систем ашигладаг компаниуд,
• Онлайн худалдаа, веб үйлчилгээ эрхлэгчид,
• Програм хангамж хөгжүүлэгч байгууллагууд,
• Төрийн болон хувийн хэвшлийн байгууллагуудад илүү тохиромжтой.

БАЙГУУЛЛАГУУДЫН ХАРИЛЦАА ХОЛБОО, МЭДЭЭЛЛИЙН ТЕХНОЛОГИЙН ХЭРЭГЦЭЭНД ЗОРИУЛСАН AZURE LOCAL

Azura Local үйлчилгээ 

Байгууллагуудад мэдээллийн технологийн орчинд уян хатан байх, удирдлагын боломжуудыг ашиглах боломж олгодог холимог үүлэн технологийн шийдэл юм. Байгууллагууд өөрсдийн өгөгдөл, систем, ажлын ачаалал болон аппликэйшнүүдээ дотоод орчинд ажиллуулахын зэрэгцээ Azure-ийн удирдлага, автоматжуулалтын боломжийг ашиглах нөхцөлийг бүрдүүлдэг.

Давуу тал

• Өгөгдөл болон дэд бүтцийн хяналт
• Hybrid cloud боломж
• Удирдлагыг хялбаршуулах
• Уян хатан өргөтгөх боломж
• Бизнесийн тасралтгүй ажиллагааг дэмжинэ.

ЗАЛИЛАНГААС УРЬДЧИЛАН СЭРГИЙЛЭХ MOBIOPENGW

MobiOPENGW нь дижитал үйлчилгээний хэрэглэгчийг найдвартай таних, залилангаас урьдчилан сэргийлэх, төхөөрөмжийн мэдээллийг баталгаажуулах боломжтой API платформ юм. Мөн үүрэн холбооны операторын сүлжээний боломжуудыг байгууллагууд өөрсдийн систем, аппликэйшнд API хэлбэрээр холбон ашиглах боломж олгодог.

Санал болгож буй API үйлчилгээ

• SIM Swap API: SIM карт саяхан солигдсон эсэхийг шалгаж, данс булаалт болон залилангийн эрсдэлийг бууруулна.
• Device Identifier API: Сүлжээгээр баталгаажсан төхөөрөмжийн таних мэдээллийг ашиглана.
• Data API: Дата цэнэглэлтийг гуравдагч байгууллагад олгох API.
• Unit API: Нэгжийн цэнэглэлтийг гуравдагч байгууллагад олгох API.
• KYC Match API: Хэрэглэгчийн мэдээллийг баталгаажуулах үйлчилгээ.
• KYC Fill-in API: Баталгаатай хэрэглэгчийн мэдээллийг системийн маягтад автоматаар бөглөх боломжтой.
• Number Verification API: Үйлчилгээнд нэвтэрч буй хэрэглэгч тухайн утасны дугаарыг эзэмшигч мөн эсэхийг баталгаажуулна.
• Device Location Verification API: Төхөөрөмж заасан байршилд байгаа эсэхийг шалгана.
• Geofencing API: Төхөөрөмж тодорхой газарзүйн бүсэд орж, гарсан үйл явдлыг илрүүлнэ.

ХАНДАЛТ, ХЭРЭГЛЭЭ, ХУГАЦААНЫ ХЯЗГААЛАЛТГҮЙ БИЗНЕС ИНТЕРНЭТ 

NSL Business Internet

Уг өндөр хурдны бизнесийн интернэт үйлчилгээ нь Ази, Европ, Америк тив рүү нөөц гарцтай бөгөөд хэрэглээ, хандалт, хугацааны ямар нэг хязгаарлалтгүйгээр үйлчилдэг аж. Мөн Microsoft, Google, Facebook зэрэг дэлхийн томоохон платформуудын Хонконг дахь үндсэн сүлжээтэй шууд холболттой (Peering) гэдгээрээ онцлогтой.

Түүнчлэн 24 цагийн хяналт, техникийн тусламжаар хангагдаж, улсын хэмжээнд өргөн сүлжээ, найдвартай дэд бүтэц, үйлчилгээний чанарын баталгааг санал болгодог. Стандартын дагуу холболт, суурилуулалт хийж, IPv4 болон IPv6 хаяглалт, мэргэжлийн техникийн дэмжлэг, харилцагч хариуцсан менежер, интернэт урсгалын хяналт, удирдлагын үйлчилгээг үзүүлдгээрээ давуу талтай.

ҮҮРЭН ХОЛБООНЫ ХАМРАХ ХҮРЭЭ, СҮЛЖЭЭНИЙ ХҮЧИН ЧАДЛЫГ САЙЖРУУЛАХ FEMTO ТӨХӨӨРӨМЖ

Femto түрээсийн төхөөрөмж

Үүрэн холбооны хамрах хүрээ болон сүлжээний хүчин чадлыг сайжруулах зориулалттай төхөөрөмж бөгөөд түрээсийн үйлчилгээ хэлбэрээр санал болгодог. Тус үйлчилгээ нь төхөөрөмжийг шууд худалдан авах шаардлагагүйгээр түрээсээр ашиглах боломж олгож, байгууллагын зардлыг хэмнэхийн зэрэгцээ хэрэгцээндээ тохируулан уян хатан хугацаагаар ашиглах нөхцөлийг бүрдүүлнэ. Мөн үйлчилгээ авах үйл явц энгийн, хүртээмжтэйгээрээ давуу талтай аж.

ӨНДӨР ХУРДНЫ ХИЙМЭЛ ДАГУУЛЫН ИНТЕРНЭТ ҮЙЛЧИЛГЭЭ

Мобинет ХХК нь Starlink-ийн Монгол дахь албан ёсны эрхтэй нийлүүлэгчээр ажиллаж байгаа бөгөөд өндөр хурдны хиймэл дагуулын интернэт үйлчилгээг санал болгож байна.Starlink-ийн хиймэл дагуулын интернэт үйлчилгээ нь хот, хөдөө болон алслагдсан бүс нутгуудад өндөр хурдны сүлжээнд холбогдоно. Шилэн кабел, үүрэн холбооны сүлжээ хүрээгүй байршилд ч ашиглах боломжтойгоороо онцлог юм.

Хэрэглэх боломжтой салбарууд

• Уул уурхай
• Хөдөө аж ахуй
• Аялал жуулчлал
• Бизнесийн байгууллагууд
• Хувийн хэрэглээнд ч хэрэглэх боломжтой. 

Эдгээр бүтээгдэхүүн, үйлчилгээг нэг дор төвлөрүүлснээр байгууллагууд харилцаа холбоо, мэдээллийн технологийн дэд бүтцийн хэрэгцээгээ цогцоор шийдвэрлэх нөхцөл бүрдэж байна. Ингэснээр дата хадгалалт, үүлэн технологи, интернэт холболт, дижитал баталгаажуулалт болон алслагдсан бүсийн холбооны шийдлүүдийг нэг түншээс цогцоор авах боломжтой боллоо.