Германы Берлин хотноо болж буй 2026 оны Олон улсын тээврийн технологийн үзэсгэлэнгийн үеэр БНХАУ өөрсдийн бүтээсэн “VELLINK” нэртэй шинэ үеийн ухаалаг метрог танилцуулжээ.

Тус галт тэрэг нь хиймэл оюун ухаан, мэдрэгчийн дэвшилтэт систем болон өндөр хурдны холбооны технологийг хослуулснаараа онцлогтой.

Ингэснээр орчноо бодит цаг хугацаанд мэдэрч, мэдээллийг боловсруулан, үйл ажиллагаагаа автоматаар оновчтой тооцоолох боломжтой аж.

Өөрөөр хэлбэл, зөвхөн урьдчилан өгсөн командын дагуу ажиллах бус нөхцөл байдалд дүн шинжилгээ хийж шуурхай шийдвэр гаргана.

Мөн хөнгөн жинтэй материал, эрчим хүчний хэмнэлттэй шийдлүүдийг ашигласан бөгөөд нийт жинг ойролцоогоор 18 хувиар бууруулжээ.

Үүний үр дүнд эрчим хүчний хэрэглээг арав гаруй хувиар хэмнэж, ашиглалтын бүх хугацаанд ялгаруулах нүүрстөрөгчийн хэмжээг 15 орчим хувиар бууруулах боломжтой гэж дүгнэсэн байна.

Салбарын мэргэжилтнүүд уг галт тэргийг "нийтийн тээврийн хөгжлийн дараагийн үе шат" гэжээ.

Эх сурвалж: People's Daily, China